Mama Gabriela Rivadeneira, Mamallakta Tantanakuyta pushak, 409 tanariman kamachiy killkakkunata kayarka, chayka wanra, 20 puncha, kuski killami kan, 9h30 sayllata kallarinka, chaypimi Atención Humanizada del Embarazo, Parto y Postparto kamachiyta atinakunk
Kay tantaripika Comisión del Derecho a la Salud willayta churashkatami atinakunka. Kay mushuk kamachiyka mama Gabriela Rivadeneira, Mamallakta Tantanakuyta pushak rikuchishkami kan, chaymanta warmipak, warmi chichu kakpi ayllupak hayñikunata kamanka. Shinallatak wachashka kipa mashna pachapi alliyanata rikunka
Kay mushuk kamachiy willachun, ayllu shuklla shina kachun hayñita kaman; wacharishka wawa, kallari sayllakunata mamawan kachun, (hampikkuna alli rikuiyta kukpimi shinana). Imashina wachamushka shina wachachun, mana kashpaka chukrichishpa wachachun, kayta paymi rikunata charin.
Yanapay
Kay kamachiy killkayta mikashka, tawka: kamaywasikunata, tantarikunata, yachak runakunata chaskirka. Shinallatak Cecilia Acuña yachakta chaskirka, payka Organización Panamericana y Mundial de la Salud OPS/OMS tantariman kimirishkami kan, warmikunapak hayñita kamakmi kan nirka, kay Ecuador llaktapimi kamachiywan llankashpa kallarinka, tukuylla hampina wasipi, shukpaklla hampina wasipi shinallatakmi kanka.
Kay kamachiyka Lourdes Tibán kamachiy killkak, shuktak kamachiy killkak rimashkata hapin, ñawpa hampikunamantapash riman.
PV/jc-kichwa
