“Warmi wachakukpi llakichinaka, tawka hayñikunata pakimi kan, millashpa llakichina, ashatalla yanapanami kan”, chayta mama Gabriela Rivadeneira, Mamallakta Tantanakuyta pushak rimarka, kay Atención Humanizada del Embarazo, Parto y Posparto kamachiyta kallari atinakuypimi shina rimarka.
Mama Gabriela Rivadeneira, Mamallaktapi mashna warmikuna chukrichishpa wachashka hawa rimarka, chay Organización Mundial de la Salud kamachikkuna, tukuy warmikuna wachaymanta 13 % patsakrimanta, 15% patsakrikama warmikuna chukririshpa wachana nirka, Ecuador llaktapi shukpaklla hampina wasipi wachay, 85% patsakrikama wachan.
“Kay kamachiyka kay llakikunatami allichin, mutsurikpilla chukrichishpa wachana hawami hamutachin, shinapash hampikkunami achkata kamana charin “ Kallaripika willanami kan; wasipi wachanata ashtawan riksina kan, wachachishkamanta mana kullkita hapina kan”, shinami Mamallakta Tantanakuyta pushak rimarka.
Manchachi tiyan
Mama Gabriela Rivadeneira yuyaypika rikuchikkunami tiyan, imashina wachanata allichinaka Mamallakta Tantanakuypak utka llankaymi kan, chaywan warmi payllatak arininata ushanka, mamapak, ayllupak, warmipak aycha hayñita kamanka. “ Warmi wachakukpi llakita rurak yuyayta kamachiypi killkachun yuyaytami charini, chay llakimanta wanachichun achiklla yuyayta churachun mañan. Imashnami yumay, waktay, kariwarmi llakikunata rimarkanchik, wachay llakitapash rimashun, kayka kawsaytami llakichin ”.
Kamachiy killkakkuna paykuna rikushkata Comisión de Salud minkashkaman chayachinkapa kimsa punchatami charin, kay willaytaka ishkayniki atinakuyman churanka.
MC/pv/jc-kichwa
