Kay Grupo Parlamentario Amazónico tantarita pushakkuna tawka kamaywasikunapak hatun kamachikkunawan shuk tantarita charirka, chaypimi Circunscripción Territorial Especial Amazónica kamachiyta riksichirka.
Pay Raúl Tobar kamachiy killkak, kay kamachiy arinirichun Mamallakta Pushak, Mamallakta Tantanakuypash yanapasha ninkuna.
Kay tantaritaka Grupo Parlamentario Amazónico pushamushka llankaymi kan. Kay llaktakunamanta kachashka kamachiy killkakkunawan tukushpa llankashkamantami kay kamachiy llukshinka. Shina Amazonía llaktakuna hatun wiñariyta charinka, shinami Sucumbíos markamanta Tobar kamachiy killkak, rimarka.
Chay llankaymanta, ñakarimantami hatun yachaykuna rikurirka, shinami Universidad Estatal Amazónica hatun yachana wasi shayarishka, kay yachanawasiwanmi Antisuyu markakuna amawta yachaykunata charinka, chaypi achka runakuna yachanka.
Kay suyumanta kamachiy killkakkunapak llankayka mana samarinkachu. Kay Tobar kamachiy killkak Circunscripción Territorial Especial Amazónica kamachiy arinirinkakama sinchita llankashun nirka.
Kamachiy killkakpak yuyayka, Mamakamachiypak 250 niki rimashka paktachun munan, kay nikipimi Antisuyu, pay tukuy llankaywan, yachaywan wiñarinkapa shuk kamachiyta charichun riman, runakunapash tawtasami kawsayta pushachunmi riman nirka.
LM/pv/jc-kichwa
