Chay FLACSO yachanawasi ukupi, kunan chishi 28 puncha, kuski killa, 17:00 sayllata, Mamallakta Tantanakuypak Anki “Diálogos con mis fantasmas” hawa rikuchinka, Ecuador llaktamanta warmikuna llaktaypi kana hawa rikuchinka.
Kay willayka Ecuador llaktamanta warmikuna chikan chikan mitakunapak wiñaykawsaypi kashkata riksichin, mitmakkunapi llakita charishkata, kunan llakta ushaypi kashkata riksichin.
Warmikuna llakikuna tiyakpi sinchita runakunata pushashpa llankashkata, llaktaypi kashkata, runakunawan llankashkata rikuchin; paykuna hatun ñanta rikuchishka.
Shinallatak, kikin sinchi kashkata, llakirishpa llankashkata, Manuela Sáenz warmiwan tantarishpa llankashkata rikuchinka, shina Mamallaktapi llankayta mirachinkapa karka, tawka ñakarina ñankunamanta warmukuna achkata tantarishpa, imashina kawsashpa llankashkata riksichinka.
Ankipi rimayka, kimsa hatun yuyayta charin: kallaripika Manuela Sáenz pushakwan, Ecuador llaktamanta ayawan rimay kanka.
Wiñay kawsaypi rikurikpi, uramanta hawaman patachishpa akllashka warmikuna kanka: Manuela Espejo, allichishka yuyay, 1770 watapi; Lorenza Abimañay, Guamote, Columbre llaktapi, 1803 watapi ñakarishka rikurinka; Rosa Zárate, 1809 watapi kishpiychik karka; Manuela León, Fernando Daquilema pushakwan ñakarirka, 1872 watapi karka; Tomasa Morán Vera, mana riksishka warmi, yunka warmi, Manabita warmi karka, payka Revolución Alfarista (1895) watapi kaparirka.
Shinallatak, Casilda Ayoví mana riksishka warmi, 15 puncha, sasi killa, 1922 watapi wañurka; Matilde Hidalgo warmi, yachay tiyachun ñakarik warmi karka, llaktaypi karka, (1910-1930) watakunapi apuchirka; Dolores Cacuango hatun pushak, pakllamanta warmi, 1935 watapi ñakarirka; Nela Martínez, comunista tantaripi kimirirka, 1912/ 2004 watakunapi ñakarirka; mana riksishka chayraklla warmi XXI watapi llankarka: llankaykunawan paktashka, kunankama yuyaykuna katin.
JLVN/pv/jc-kichwa
