Kay Código Orgánico de la Economía Social de los Conocimientos, Creatividad e Innovación (INGENIOS) ishakykutin atinakunkapa, llaktakunapi runakunawan, tantarikunawan, llaktayukkunawan achkatami sukta killata llaktakunapi riksichishpa llankashka kan, paykunapak yuyaykunatapash hapishkami kan.
Kay Comisión de Educación, Cultura, Ciencia y Tecnología kamaywasi markakunapi atinakuyta pushachun yanaparka, manarak kamachiyta arinishpa sapsita, ayllullaktata, runallaktakunata, yanallaktata, yunka llaktata paykuna sapsi hayñita charishkamanta tapushka karka.
Mamallakta Tantanakuypak kay 2016 watapak llankayka mushuk kamachiyta killkana, arinina kallari llankaymi tukurka, Hatun Yachana wasikuna mana alli llankakukpi wichkana kamachiywan, Cultura kamachiywan tantami karka.
Chay 23 markapimi rimanakuyta charirka, Mamallaktapipash hatun rimanakuyta charinka, chay tapuypimi 98% patsakmi alli ñawiwan rikurka, chaypimi 85 tantarikuna karka: 66 shukniki tantari karka, 15 ishkayniki tantari, 4 kimsaniki tantari rimanakuypi karka; 3.251 runakuna rimanakuymi karka.
Kay INGENIOS kamachiyka runakunapak yachayman yaykurichun llakta ushayta sinchiyachinkapa hillaymi kan, mana harkarishpalla, tukuyllapak munay kachun llankana; amawta taripayta wiñachinkapa kanka; ñawpa yachaykunata riksinkapa, sinchiyachinkapa kan; pakta runakuna, tukuylla runakuna Mamallakta kullkiwan yanapaywan murukuta pukuchik kamachiyta arinirinka. Ñawpa hampikuna, yachak mama llankaykuna, wachayta yanapakkuna kamachiypi killkashka kanka.
Mamallaktapi yapa yachay tiyakta washaman sakin, Mamallaktapi runakuna mañashaka riksikiputa ashayachina, hatun yachaykunawan amawtaykunawan, sumak ruraywan, ñawpa yachaywan tinkirishka kachun. Mamallaktapak pachamamata ukllan, awki llankaywan unipak chawchachun rikuchin, ista llaktapi riksikiputa, ista llaktakunapi ñawpa yachaykunata ama riksikipuchun kamanka.
MG/pv/jc-kichwa
