Kamachiy killkak María Augusta Calle, Colombia llaktapi kasilla tiyachun yuyarita churan, shinami 81 apuchiwan Mamallakta Tantanakuy kunan tutamanta arinirka, Juan Manuel Santos Mamallakta Pushakta yanapan, FARC-EP yuyaytapash kasillata wallpankapa yanapan.
Chay La Habana llaktapi arinishkata pampaman shitakpipash kasilla tiyachun mañan. Llakita charik llaktakunapi kawsak runakunaka kasilla tiyachun arinirkakuna, Mamallaktapak saywapi kawsakkunami kasilla llaktapi tiyachun ashtawankarin arinirka.
Kay killkapi shuk nikita yaparka, chaypimi Ibarra llaktamanta Marcelo Muñoz kamachikta kishpiychichun mañarka, ñami kimsa wata guerrillas pushashka kan, shinami Colombaia llaktamanta Ecuador llaktapi kawsak runakunata makita kushpa yanapayta rikuchirka.
Mamallakta Tantanakuy tukuy shunkumanta Colombia llaktawan, Mamallata pushawan nanarishpa yanaparka, ashtawankarin makanakuy tukurichun shina ruran. Shinami Colombia llakta wiñarishpa kasilla llakta ushay ukupi purichun mañan.
Shinami ashtawan llakta ushayta charichun mañan, paykuna pantarishpapash sumakkaypi, awkikaypi paktakay, paktapakta tiyachun munan.
Chay pachallatak, Ecuador llakta wawki Mamallakta kasilla kawsayta charichun shuk alli killkata rurashpa, Colombia llaktapak mikashkapak makipi yanpayta rikuchirka, shinallatak chay Ejército de Liberación Nacional (ELN) awkakunawanpash ama manaknakuy katichun, paykunawan ñukanchik llaktapi rimanakuy tiyachun mañarka.
Shinallatak, hatun tapuypi, Timoleón Jiménez awkata hatun pushak, FARC-EP hatun walinka, shunkumanta kasilla tiyachun munanchik nirka, rimanakushpalla llakikunata pitina, kasilla kawsayman chayana nirka.
LM/pv/jc-kichwa
