Mamallakta Tantanakuyta pushak Gabriela Rivadeneira, kay Código de la Economía Social de los Conocimientos, la Creatividad y la Innovación (Ingenios) kamachiyta ishkaykutin atinakushpa katina hawa willarka, 08h30 sayllata kallarinka.
Kay Código Ingenios kamachiyta atinakuyka, sapan kamuta katishpami kanka, shinami Mamallakta Tantanakuy yuyarirka, kay kamachiy achka pankakunata charikpimi shina yuyarirka, 600 nikikuna yallitami charin, kamachiy killkakkuna sapan nikiman yuyayta churachunmi shina yuyarishka.
Kay kamachiyka taripayta, wiñachiyta, pachamamata ukllachunmi shina mushuk yuyaykunata churan, Ecuador llaktapak tawkasami kawsayta ukllachunmi kay kamachiyka yanapan.
Shinami kay Sistema Nacional de Ciencia, Tecnología, Innovación y Saberes Ancestrales kamachiyka kan, shina: Sistema Nacional de Educación llankayta, Sistema de Educación Superior llankayta, Sistema Nacional de Cultura llankayta yanapanka. Chayka economía social de los conocimientos, la creatividad y la innovación kamachiy allita paktanka.
Kullkita mirachishpa, kamayta paktachishpa, churashka kullkita wiñachishpa, kapuk llakta ushayta charichun hillaykunata wiñachishpa tukuylla yachaykunata, shukpaklla yachaykunata yanapanka.
Shinallatak tukuypak kachun yachaykunata yallichishpa, yachaykunata kikinyachishpa makita kunka. Shinami charishkakuna kullkarichun, pakta pakta unipak rakirichun, pachamamawan aylluyarichun yanapanka.
Manarak kamachiyta arinishpa riksichishka
Manarak kamachiy arinishka kakpi Educación, Cultura, Ciencia y Tecnología minkashka, markakunapi rimanakuyta pusharka, chaypimi: sapsiman, ayllullaktaman, llaktaman, runallaktaman, yanallaktaman, paykuna sapsi hayñikunata charikpi riksichirka.
Shinami, 23 markapi rimanakuy pusharirka, kaypi Mamallkakta rimanakuy pataku yaparirka, chaywan 98% patsakri shuklla yuyayman paktarka, shinami 85 tantarikuna: 66 shukniki tantari, 15 ishkayniki tantari, 4 kimsaniki tantari chayarka; kay rimanakuypika, tukuyka 3.251 runakunami sinchita rimarka.
PV/jc-kichwa
