Kunan tutamanta Indonesia Mamallakta Tantankuyman kachashka Desarrollo Económico minkashkawan shuk tantarita charirka, chayka Soledad Buendía, minkashkata pushak chaskirka, mashiyarinkapa, tawka yuyaykunta ishkantin riksinakunkapami tantarirka. Shukka, Ecuador llakta Mamallakta Tantanakuymanta kari warmi pakta yupayta akllachun, paktarakita charichun llankashkata riksichirka.
“Kay Mamallaktapi pusharikukta achkata munanchik nirka, kimsa warmi Mamallakta Tantanakuyta pushakmi shunkuta aysan, chay Indonesia llaktapika, pankapimi 30% patsakri warmikuna akllarina nishpa riman, akllaypika1.5% patsakriman paktan”, shinami Kresna Dewanta Phrosakh rimarka, payka Parlamento de Indonesia tantariman yaykurishkami kan.
Kay Ecuador llaktapak Mamakamachiypi, kamachiypimi kari warmi paktapakta kachun riman, katipura tiyarichunpash riman, shuk warmi, shuk kari katinakuy wachuyarichunmi riman, shina shuk kari shuk warmi akllarishpa shayarichun kaman. “Ñukanchik warmikuna Ecuador llaktapak Mamallakta Tantanakuypi warmikuna kashkamanta kushillami kanchik. Kay Ecuador llaktapak wiñay kawsaypika shukwiñaymi kan. Kimsa warmi Mamallakta Tantanakuyta pushayka Suyupak mushukmi rikurimi kan.
Ñukanchikpak Mamallakta Tantanakuymi achka warmikuna rimayta charichun kaman, shinami 42% patsakri warmikuna kanchik. Tawka minkashkatami warmikuna pushan, imashina: Relaciones Internacionales tantarita, Desarrollo Económico tanarita pushak. Kay PAIS tantaripi achkami warmikuna kan, chayka kamachiywan llankaytami shuktakyachin, warmikunapak hayñikuna, uchilla runa llaktakuna tukuy llankaytami pusharin”, nirka.
Mañay tiyan
Samukkunata pushak Masinton Pasaribu mintalaypi, llaktaypi, riksipi, kullkipi, kawsaytarpuypi Ecuador llaktawan makipurashpa llankayta rurashun nirka. “Sumak apanakuytami charinchik, Mamallakta Tantanakuypura makita kushpami llankayta ishkantin pushanata ushanchik. Yachaykunata rantinpura riksinata munanchik, kikinkuna achkata ñawpashkanchik, kamachiywan llankaypimi yallita purishkankichik”, nirka.
Kamachy killkak Soledad Buendía, Mamallaktapura makita kushpa llankanaka maymutsurikmi kan nirka. “Chaypakmi mintalaypi, kullkipi, llaktaypi, makita kuna kanchik nirka”, shina nishpa Indonesia llakta, Ecuador llaktapi kullkita churachun nirka.
“Kullkita churachun punkuta paskashka kan. Kamachiywan kamaypash tiyan, munashka mayhan tawka llankaypipash kullkiwan yanapachun, Ista wasi wiñarichun, kikinpak Mamallaktapak hatun istakamachikman shuk killkata kachana nirka, chayka imashina rimashka pusharichun nirka. Mamallakta Tantankuypi warmikuna kashkamanta kushilla kanchik”, rimashpa tukuchirka.
MC/pv/jc-kichwa
