Chay llakika, 28 puncha, ayriwa killa, 2016 watapi shuk antanka 86 runakuna hunta aparishka, TAME shuti, chay Mariscal Lamar pampapi, Cuenca llaktapi ñanta chinkarka.
Kay llaki 5 killata yallirka, chayrak Junta de Investigación de Accidentes imashina llaki kashka manarar willanchu, ari, hawa hawa willayka tiyanmi. Chaymantami Liliana Guzmán kamachiy killkak, Aviación Civil kamachiyta allichina riman.
Kay Guzmán kamachiy killkakpak yuyayka, antankawan llaki tiyakpi, Junta investigadora, llaki tiyashka willayta riksichinkapa 180 punchata charichun nirka, mana ushashpaka 90 punchata mañachun.
“ Ñukanchik Mamakamachiy charishkakuna, mitachikuna achiklla, mutsurikpi kachun nirka, alli willayta charina kachun nirka, mana willay tiyakpi riksinata mana usharinchu, imashina llakita allichinawan sakin”, shinami Liliana Guzmán rimarka.
Kay Azuay markapika antanka manarak llakitukushka, kipapash tiyan, llaki tukushka kipa antanka tiyarina llankay sakirirka, antankakunapash mana tiyarinata usharkachu. Riksikkuna mana chayarka, Azuay llaktapi kawsak runakunaman kullki hapina chinkarirka, riksikkuna kullkita sakichun llankakkunami ashtawan llakita charirka.
“Pachakamak yanapakpi runakuna mana wañurkachu, shinapash imamanta llaki tiyashkata riksinata munanchik”, shinami Guzmán kamachiy killkak rimarka.
Mana yachaywan
Kay Ecuador llaktapak shuk llakika, yana iskankata riksinkapa mana sumakruray tiyanchu, chaymanta compañía brasilera aeronáutica Embraer kamaywasita willachun mañan, chaymantami willay tukurichun achkata uniyashka.
“Kay kamachiy mushukyay shuk mañaymi kan, shuk yachakwanmi rikuna urman, chayka Dirección de Aviación Civil kamachikwan kanka, paykunami shina kakta, mana shina kakta rikischinka”, Liliana Guzmán rimarka.
MC/pv/jc-kichwa
