Kay Derechos de los Trabajadores y la Seguridad Social minkashka, Seguridad Social de las Fuerzas Armadas, Ley de Seguridad Social de la Policía Nacional y Ley de Pensiones de las Fuerzas Armadas kamachiypak willayta riksinkapa, arininkapa, kunan chaska, 7 puncha, wayru killa, 15:30 sayllata rimanakunkapa tantarinka.
Kay kamachiyka (ISSFA) kamaywasipak, (ISSPOL) kamaywasipak, kawsaykay llika ukupi kanka; ishkantin kamaywasipak Consejo Directivo pushakkunata rantinchinkapa kanka, hatun pushakkunata churachun yanapanka.
Shinallatak, llankaymanta anchurinkapa shuk pachata rikuchun yanapan; tisiku tukushpa, unkuymanta wañushpa llankaymanta anchurishpa mashna tiksi kullkita killapi hapinata rikuchin; rantinakuna wichiyakpipash mashna kullkita hapinatami rikuchin.
Tukuylla sinchi awka wañukpi kawsaykamayta charichun shuk mashna kullkitalla tiyachin; wuñukpi michata churachun kullkita kun, mana kashpaka wasita mañachin; llankashpa payayakpi shuk mashnay kullkita churan; llankaymanta anchurikpi LOSEP kamachiypi rimashkata paktachin, shinami Fuerzas Armadas y Policía Nacional kamachikkunaman yanapan.
Tukuchinkapa, imalaya tisikukunata rikuchin, chayta rikushpami kikin yachaywan llankakushpa llakitukukpi mashna kullkiwan yanapanata churan; kikin kullki churanata, llankachik mashna kullki kunata rikuchin; llankakuk Fuerzas Armadas kamachikkunaman llankana pachata saywan.
Yapa, chay Personal de las Fuerzas Armadas kamachiypak 1 nikita mushukyachin; Personal de la Policía Nacional kamachipak 1 nikita mushukyachin; shinallatak Banco del Instituto Ecuatoriano de Seguridad Social kamachiypak 1 nikitapash mushukyachin.
RSA/pv/jc-kichwa
