Mamallakta Tantanakuyta pushak Gabriela Rivadeneira muyu kamachiyta atinakuchun markakunata kayarka, willana ñankunata katishpami shamuchun nirka, chaypimi Agrobiodiversidad, Semillas y Fomento Agroecológico kamachiyta rimanakunka, sapsi hayñita charikkuna kashpa chayamuchun.
Mamallakta Tantanakuyta pushak, Instructivo para la Aplicación de la Consulta Prelegislativa yachachik kamupak 17 nikipi hapirishpa kayarka, ishkayni runa tantarikuna, yunka tantarikuna, yana tantarikuna shamuchun kayarka, kamachiypak hatun nikikunata rimanka.
Mushuk kamachiypak hatun yuyaykunata, Mamakamachiypak 57 nikiwan kimirishkami kanka, kayka: rimankuy, ñawpa yachaykuna kan: agrobiodiversidad, semillas yuyayta rimanka; hayñita hapina, llaktayukkuna chaypi kana.
Kayaypak hatun yuyayka, markakunapi rimanakuyka, 18 puncha, wayru killapi Azuay, Pastaza markapi kanka; chilla, 19 puncha, Cañar markapi kanka; kulka, 20 puncha, Zamora Chinchipe markapi rimanakunka; chaska, 21 puncha, Loja, Napo markakunapi rimanakunka.
Wanra, 25 puncha, wayru killa Cotopaxi, Santa Elena kuskapi kanka; chilla, 26 puncha, Tungurahua, Los Ríos markapi rimanakunka; kulka, 27 puncha, Chimborazo, Guayas markakunapi rimanakunka; chaska, 28 puncha, Bolívar, Pichincha markakunapi kanka.
Kamachiy killkakuna 8 puncha, sasi killapi El Oro, Carchi markapi rimanakunka; chilla, 9 puncha, Imbabura markapi kanka; kulka, 10 puncha, Sucumbíos markapi kanka; chaska, 11 puncha, Orellana, Morona Santiago markakunapi tantarinka.
Wanra, 15 puncha, sasi killapi Manabí, Santo Domingo de los Tsáchilas markapi kanka, shinllatak chilla, 16 puncha, Esmeraldas markapi kanka; chaska, 18 puncha, Galápagos llaktapi kanka.
Kay Soberanía Alimentaria minkashka, tantarikuna tukurka, shuk minkashkataka Miguel Carvajal kamachiy killkak puchakun, shuktak minkashkata Mauricio Proaño kamachiy killkak pushakun, minkashkata pushak, kipapush kay llankayta paktachikun.
JLVN/pv/jc-kichwa
