Kay Comisión de Soberanía Alimentaria y Desarrollo del Sector Agropecuario y Pesquero, Miguel Carvajal, kamachiy killkakkunata 060 yupay tantariman kayarka, chayka kulka, 13 puncha, wayru killapi pusharinka, 15:00 sayllata kallarinka, chaypimi Sanidad Agropecuaria kamachiypak willaykunata allichinka.
Kay mushuk kamachiyka, Mauricio Proaño kamachiy killkak kallarishkami kan, payka rimankuy patakupak kipapushakmi kan, Mamallaktapi wiwakunapak, tarpuykunapak unkuyta harkanatami rikuchin, yurakunata, wiwakunata hapik unkuykuna, kurukuna ama yaykurichun, ashayarichun tupukunata churanatami rikuchin, chayta harkana: fito, zoosanitario wakllichikta anchuchina.
Llankaykuna, mitachikuna wiñarikta nikin, yurapak, wiwapak alli kawsayta ama wakllichichun tupukunata churan, chaytaka sumak ruraywan, amawta yachaywan paktachinka. Shina wiwakuna, yurakuna ama unkuchun ukllanka, allichinkapa tupunka. Shinallatak murukuna mirarikta, muru mirarinata, allikawsay hayñita, kawsayta, tarpushka pukuykunata riksichinka.
Kamachiy Killkak, Mauricio Proaño kay mushuk kamachiywan wiwapak, yurapak allikawsay kamachiyta tantarishpa shuklla kamachiyta killkana nirka, chay paya kamachiykuna 42, 35 watakunata charin nirka, sumakrurayta, amawta yachayta rikukpi achkata mawkayashkami rikurin nirka, tukuylla alli kawsayta, ista llaktawan rikukpi paya kamachiy rikurin.
Kay kamachiyka chikan chikan runakuna, llaktay, kullki kawsaywan kimirishkami kan nirka, paya kamachiyka kunan mushuk kawsaywan, mushuk Mamakamachiywan, shuktak kamachiykunawan, chikanmi kan, Organización Mundial del Comercio tantariwan, Convención Internacional de protección Fitosanitaria kamachiywan, Organización Mundial de Sanidad Animal tantariwan, kunan amawta yachaypash sumakruraypash, shuktakmi kan.
JLVN/pv/jc-kichwa
