Kay Relaciones Internacionales minkashka, Mamallakta Tantanakuy “Acuerdo Comercial entre el Gobierno de la República del Ecuador y el Gobierno de la República del Líbano” yuyarita rimachun mañarka.
Minkashka pankakunata rikushpa kipa geoeconómica rimaywan tukuchirka, shinami Líbano llaktawan punkuta paskarka, chayka Medio Oriente y Asia Central llaktakunawan mintalay kallarinka, kapuksapita mushukyachinkapa yanapanka. Kunanmi willayta arinirka.
Kay yuyarika mintalaykunata sinchiyachinkapa, wiñachinkapa, paskankapami kanka. Yanapay tiksiwan mintalayta yanapachun pushan, shina runapura yanaparichun, pakta pakta kachun, ama tiknichun, imatapash pakta hapichun yanapan. Shina, rimanakuy pataku rimashkata katishpaka, Ecuador llaktapak llaktaywan pakta rin, ista katuna pampakunapi yanapayta charichun, mitachita charichun yanapan.
Minkashkapak tantaripi Ministerio de Comercio Exterior kamachik, chay Comisión Comercial Mixta tantari kallarina, mirachina nirka, chaywan ishkantin Mamallaktakuna mintalayta mirachinka alli ñankunata mashna, imashina mintalay kakta rikuchpa kamana.
Ista kamachiyta rikushpa, kunan yalli maymutsurikka Allpapachapi 2009 watapi kullki yalli tiyashkatami rikuna kan, chay llakika América Latina llaktakunata achkata waktarka, achka kullki wasikunatami llakichirka. Kay Apya-yala llaktakunaka shuktak ñankunata katishpa mintalaywan kimirirkakuna.
Chay Líbano llakta, 6.3 hunu runakunatami charin, PIB kapukka 51 waranka hunu kullki tiyaktami riksichin, achka katuna tiyaktami rikuchin, Ecuador llaktamanta yalli achka murukunata katunatami riksichin. Shinami tiyakkuna, sumakruraykuna tiyan.
Ushaykuna, chukikuna, uchilla hillaykuna, runapak wasikuna tiyakta rikuchin. Ashtawan Mamallaktapi wiñarishka kapukkunata katunami runakuna rikurayanalla kan, chayka: rurukuna, pukpupi ruru, mismi mikuy, llullucha mishki, wirumanta mishki, chunta, lluchunka, sisakunapash kan.
Kay Ministerio de Relaciones Exteriores kamachik, 2012 watamanta, 2016 watakama, Ecuador llaktamanta kamachik Libano llaktapak 27 yachakukkunaman purina pankata kurka, paykumanta 41% patsakri warmikuna karka.
Shinallatak, 2013 watamanta, Ecuador purik 59 runakunaman purina pankata kurka, Líbano 110 mana purina pankata kurka. Mamallatapak kamaywasi Ecuador llaktamanta 210 runakuna, Líbano llaktapi kawsan riman.
LM/pv/jc-kcihwa
