Kay Ecuador llaktapak Mamallakta Tantanakuy Cuba llaktawan nanarishpa yanapan: paypak llaktata, kamachikkunata yanapan, Estados Unidos llakta Cuba llaktapi kawsak runakunata kullki hayñita kichushpa llakichirka. Shinallatak Base Naval de Guantánamo wasi Cuba llaktamanta anchurichun, caribeño llaktaman allpata tikrachichun mañan.
Kay yuyarita Grupo Parlamentarios de Amistad con Cuba kamachikkunami mañarka, Bairon Valle kamachiy killkak llankamushka. Mamallaktapura kimirinakushpa llankana yuyayta kutintak tiyachina tiyakpika, Cuba llaktata kullki, katuy, rantina llakita churashka, ista wasi chaypi tiyan, chayka mana tiyanchu.
Allpapachapi yanapak, kasilla kawsanata munak runakuna tiyachun yuyayta mirachina, tukuykuna sumaychaynakuna tiyachun mañan.
Kay killkawan Estados Unidos llaktata kayanchik, chay llakta: kullki wiñarinata, mintalayta, kullkiyayta, amawtata, sumak rurayta Cuba llaktata ama kichuchun, Estados Unidos llaktamanta riksikkuna Cuba llaktaman yaykurichun, kullkita sakichun yuyachin. Mamallakta Tantanakuy, Ecuador llakta, Cuba llaktapak awkikayta sumaychachun yanapan, saruyta pichan.
Ñami shuk wata, Asamblea General de las Naciones Unidas tantari, Cuba llaktata manyapi churashpa 50 watata charimushkata anchuchichun mañarka.
Kay yuyarita tukuy kamachiy killkakuna yanaparka, ishkaychunka chuskukutin shina nirka. Kay yuyaymi Mamallaktapura awkikayta, paktapakta kachun kanka, kishpiychik mintalay, Mamallakta llankay ukuman ama yaykurichun mañarka.
LM/jc-kcihwa
