Suyupi kamachiywan llankana tawka ñankunatami hapina kan, kay Foro Parlamentario Regional tukuylla llaktay kitikunapi llaki tiyakta rimankuna, chayka Marco del Hábitat III shutiwan rimarkakuna, Quito llaktapi tantarishka kan, allpapachapi chikan chikan Mamallakta shamushkaman rikisichin.
Mamallakta Tantanakuyta pushak, Gabriela Rivadeneira, kamashka kitikuna kamachiywan wiñarichun wallpanatami charin nirka, runakuna samarina pampata charina, ashtawankarin pakta rakita charichun mashkan.
“Wakchayayta mishanaka suyupak, allpapachapak allimi kan, chayka tukuy runakunapak hayñita sinchiyachina, kamaymi kan, shinallatak paktarakita allichinami kan, unipak wiñariyna, kawsaypura yaykurinata, mirachinata rikunami kan”, shinanishpa rimarka
Kay Desarrollo Urbano y Vivienda, María de los Ángeles Duarte hatun kamachik, kay 193 Mamallaktakuna, ONU llikamanta shamuk unipak kitikuna wallparichun llankanka nirka, shinami mushuk kitikuna llankana ñan kanka, chayka Plan de Implementación de Quito shutimi kan nirka, kay llankanañanka ishkaychunka watapakmi kanka nirka.
Kay hatun tantaripi Ecuador llakta kamachiykunata arinishkatami riksirkanchik nirka, imashinami kay Ordenamiento Territorial, Usos y Aprovechamiento del Suelo kamchiy kan, wasita rurankapa, runakuna ama wañuchun sinchi kamachiyta charina nirka.
JC-kichwa.
