Kay Comisión de Soberanía Alimentaria kipapushak, Mauricio Proaño, kamachiy killkakkuna shamuk hunkapi sukta markapi tukuylla rimanakuyta charinka, manarak Agrobiodiversidad, Semillas y Fomento Agroecológico kamachiyta arinishpa Cotopaxi, Tungurahua, Chimborazo, Santa Elena, Los Ríos, Guayas markakunapi, ishkay tantaripi wankurishpa llankanka.
Wanra, 25 puncha, wayru killapi Cotopaxi (Salón de la Democracia) markapi yachachinka, Santa Elena (Salón de Postgrado de la Universidad Península de Santa Elena) wasipi kanka; chilla, 26 puncha, Tungurahua (Empresa Eléctrica Ambato) llaktapi kanka, shinallatak Los Ríos (Auditorio de la Universidad Técnica de Babahoyo) kuskapi kanka; kulka 27 puncha, wayru killapi Guayas (Auditorio del Edificio La Previsora) llaktapi pusharinka; chaska, 28 puncha, wayru killa Chimborazo (Auditorio del Gobierno Autónomo provincial de Chimborazo) llaktapi kanka.
Minkashka, sapan markapi imashina llankaykuna kashkata kipurka, runakuna chayllatak yuyayta charishka, takarik yuyayta charishkata rikurka. Shinami shukniki sapsikuna, ayllullaktakuna, llaktakuna, runallaktakuna imashina rikushka yuyayta tantachirka. Kay rimashkakunata marka rimanakuypi riksichinka, mushuk kamachiyta riksichishka kipa, mushuk yuyaykunata hapina kanka.
Kipaman tarpukkuna rimachun shuk kuskata paskashun, chaypi paykunapak yuyayta churanka, kamachiy ima yuyaykunata charishka hawa rimana kanka. Kay mushuk yuyaykunata hapishkawan imashina kamachiywan llankanata rikuna kanka.
Shuk pata tantarikuna rimashka yuyaykunawan kamaywasikuna imashina llankana ñanta hapinka, shinapash Autoridad Agraria Nacional y la Conferencia Plurinacional e Intercultural de Soberanía Alimentaria (COPISA) hawa asha panta yuyaykuna tiyan, chayta allichina.
Kamachiy killkak Mauricio Proaño kikin amawta yuyay hawa asha llaki tiyan nirka. Kay mushuk Código Ingenios kamachiy achka nikikunata achiklla sakin, kay kamachiywan llankanata charikkuna ashtawan nikikuna achiklla kana kan nirka, imashinami tarpukkuna pay wiñachishka tawsami murukunata rikuchin, mana kamaywasiwan katishpa, chikansami muyuta, tarpuyta kipuchina imashinatak kanka nirka.
JLVN/pv/jc-kichwa
