Tantarikuna, kamachiywan riksishka tantarikuna, Los Ríos markapi, muyu kamachiyta riksinkapa chayarkakuna, paykunaka manarak muyu kamachiyta arinikpi yuyayta churankapa chaypi karka.
Chay rimanakuyka Auditorio de la Universidad Técnica de Babahoyo yachana wasipi pusharirka. Alli murukunata chaskishka, chuya kuskami uksi, mishki mikunata kunka nirka, kullkita mañankapa, illushka muyuta charinkapa yaykurinata rimarka.
Kay Comisión de Soberanía Alimentaria pushak, Miguel Carvajal kamachiy killkak, kay kamachiy ayllupak tarpuyta mirachin nirka, kay germoplasma kulka muyuta wakaychichun yanapan, shina tawkasami kawsayta ukllan.
Kay Ecuador llaktapak, alli muyukunaman yaykuchin; ayllupi alli, tawka malli, yachashka mikuna tiyachun purichin. Ecuador llaktapi achka chikan chikan tarpuykuna tiyan, alli muyukunaka alli kapukkunata kun.
Kamachiy killkak, Miguel Carvajal, Mallaktapak llika punkupi tiyak mushuk kamachiyta killkakatichun llaktayukkunata mañarka, paykuna yuyayta churachun mañarka. Manarak kamachiyta arinishpa Tapuypi churashka yuyaykunaka may alli kan nirka, chaymi ñukanchik Mamallaktapi alli kamachiy killkarichun achkata yanapan nirka.
Kamachiy killkak Liuba Cuesta kay kamachiyka tukuy Mamallaktapi tarpukkunatami achkata yanapan nirka; kutin Rosa Elvira Muñoz, kamachiy killkak, ñawpa muyukunata ukllana nirka, chayta Mamallaktami kay mañaytaka paktachinka.
JLVN/pv/jc-kichwa
