Willana ñankunapak alli llankayta rikrishpa, kay Superintendencia de Comunicación kamaywasi, 3 wata willay kawsayta yuyarirka.
Kay aknaytaka Mamallakta Tantanakuypak Salón José Mejía ukupi pusharirka. Kamachiy killkak Ximena Ponce, kay Comunicación Incluyente kamarita, kawsaytarpuy Bajo un Mismo Sol ñawikamuman kamarirka.
Kay Comunicación incluyente shuk shutimi kan, kay shutipi Superintendencia de la información y la Comunicación (Supercom) kamaywasi, paymi kimsa wata kawsayta aknarka. Mamallaktapak takikkunawan aknarka, yaykuchik willaywan llankaywan karka.
“ Kunanka llaktayukkuna mana llullak, mana pantak willana hillaytami mashkan”, shinami Carlos Ochoa, superintendente de Información y Comunicación kamachik rimarka.
Kay pachallakta Willay Kamachiyta yuyarirka, Ecuador llaktapak makirurakpak uchilla kamachiytapash yuyarirka, shinapash Javier Narváez takik kushikushpa rimarka, payman kunan, kaya Ecuador llakta kan.
“Sarun 2012 watapika, 9% patsakrillami Mamallaktapak takikkuna karka, paykunami Mamallaktapak takikunata uyachik karka. Paktapakta kachun yalli sinchimi karka. Willay Kamachiyta, uchilla kamachiyta arinishkata rikuchirka, sapan kamachiymi shuk hatun ushay kan”, nirka.
Sinchita llankashkamanta kamarirka
Kamachiy killkak Ximena Ponce, payka Comisión de Educación, Cultura, Ciencia y Tecnología kipapushakmi kan, payllatak Comunicación Incluyente kamaritam Bajo un Mismo Sol ñawikamuman kamarita kurka.
Kay yachaytami tawka willana hillaywan markakunaman chayachishkanchik, 13 runallaktakuna rimashka, kawsashkata hatunyachishpa riksichin. Kay takiwan llankakmanta shuk irpami kan, manarak kamachiy tiyakpika ashalla akllashka mishukunallaman chayak karka.
Kay riksikunaka Juventud en Estéreo runakunamanpash chayarka, kayka Ramón Riofrío Bustamante yachana wasimantami kan, Pindal kitika, Loja markapimi sakirin, shinallatak Ñuca Ecuador (Yo Ecuador) yachayta riksirka, kay yachayka ankipimi uyarin, Universidad Salesiana yachana wasipi yachakukkuna rurashkami kan.
MC/pv/jc-kichwa
