Achka, muyuntin runakunawan Mamallakta Tantanakuy, Nela Martínez uku huntarka, ayata ushnushka kipa, Rafael Correa, Mamallakta Pushak, paktakayta, kasikayta, mashkak kak runata rikuchirka. Llakta ñakaripi, mayhanpash mana shaykunchu, sampayana mana allita rikushkachu kan, Fausto apumi kayta rikuchin.
Pakarina chayamukun, ñukanchikwan sakiripay, kikintinmi wallpakunchik. Kay llaktay llankaypika, yanapankapa, kuyayta charichun kuska tiyankami.
Chaypimi paktakay, ama ashalla kachachun, ushay chayakpi achkakuna kachachun ñan chayamunka, chaymi tukuykunapak yanapay tiyanka, tukuy warmi, kariman paktakay chayanka, paymi ñakarirka, kuyashka Fausto wañurka, shinami Mamallakta Pushak rimarka.
Fausto Quito llaktamanta karka, yayaka Riobamba llaktamanta, mamaka Latacunga llaktamanta karka. Wakcha, alli ayllupi wacharirka. Uchillamanta pacha mana alli kawsay hawa ñakarirka.
Wawamanta taytata llankaypi yanaparka, mamatapash katushpa yanaparka, wasipi llankakpi imashinami mamata llakichikta rikurka. Chaypimi paypak shunku ukupi nanarirka, Fausto millakta, tsiknikta mitsarirka. Mamallkatapi kawsak runakuna hawapi kuyayta charirka, urmashka runakunata yallita kuyarka, payka ñakarinkapa sinchi karka, shinami Mamallakta pushak rimarka.
JLVN/pv/jc-kichwa
