Kamachiy killkak Fausto Cayambe, apuk tukuri puncha Mamallakta Tantanakuy napashpa kamarita chayachirka. Mamallakta Tantanakuyta pushak, Gabriela Rivadeneira, ayata Mamallakta Tantanakuypak wasipi michashka kachun sakikpi achkata aylluta yupaycharka.
Chinkashkamanta wakarka, ñakarishpa katishun nirka. Paypak aylluman shuk yuyarita, Mamallaktapak wipalata chayachirka. Marllely Vásconez, Derechos de los Trabajadores minkashkata pushak kurka, llakta makanakushpa mishashkata rikurka.
Paypak pani, Nelkis Cayambe, paypak turi uraymanta kallarirka nishpa willarka, Pichincha markamanta kamachiy killkakkuna alli ñanta sakishkata yuyarirka.
Kariyashpa rimashpa, mama Gabriela Rivadeneira, Fausto Cayambe mana pantarik mashi kashkata rimarka, maypimi yalli wakchayay, manyayachi sinchi rikurik kuskapi hucha tiyashkata rikuchirka.
“Mayhan chikanyachik, tsiknipi, mana yachayta charik, mikuna, wasita mana charik, kawsakllami kay llakita, mikuna, wasita mana charikta riksin” nishpa rimarka, Fausto Cayambe ñukanchikwan kan, paypak mashikuna, riksishkakuna, kay pushakta yuyarirka. Tukuy arinishkami shuk kuskayta charin, nirka.
Kamachiy killkak pushakushka kamachiykunata, mama Gabriela Rivadeneira yuyarirka, chay Seguridad Social kamachiy tukuypak kachun, puririshpa katukkuna, mushuk llankaykunata “ñakari wipalata pushanka (Fausto Cayambe) shina, purina ñanpi sinchita llankarka”.
LM-RSA-JS/pv/jc-kichwa
