Kunan tutamanta Mamallakta Tantanakuypak hatun tantari, mama Gabriela Rivadeneira, Mamallakta Tantanakuyta pushak, Tribunal Contencioso Electoral (TCE) kishpiychikkunata tiyachirka. Paykunaka sukta watata llankanka. Sapan kimsa watapimi chawpi kishpiychikta akllarin, kallaripika, ishkay mushukyarin, ishkaynikipika kimsa mushukyarin.
Shinami Vicente Cárdenas Cedillo, Mónica Rodríguez hatun rimayta charikkuna tiyarin, kutin Arturo Cabrera, Patricia Guaicha, Graciela Suárez kipa kishpiychikkunami tiyarin.
Paykunaka Consejo de Participación Ciudadana y Control Social (Cpccs) akllashkami kan. 31 Puncha, wayru killapi, runakumanta arinishpa, mana nishpa, chimpapurachishpa akllaypi rikurishpa mushukyaymi kan.
Akllarikkuna, chikan chikan kuskakunamanta chayamurka, mishanakuchishpa akllarka. Karikuna, warmikuna pakta yupay kanka, kay alternabilidad, interculturalidad yuyaypi karka, shinami Mamakamachiy riman.
Yapa, llaktamanta, runallaktamanta, yunka llaktamanta, yana llaktamanta kari kashpa, warmi kashpa kishpichikta yaykuchin.
Mushuk kishpiychikkunaka: Angelina Veloz Bonilla, Guillermo González Orquera kamachikpak ranti tiyarin, paykunami kallari mushukyaypi llankayta sakirka, kaytaka Mamakamachiypak 220 nikipi tiksirishpami paktachirka. Kay katikuyka mishanakuchishpa, rikurayashpa, rikuk arinishka, mana nishka akllarirka.
MC/pv/jc-kichwa
