Mamallakta Tantanakuyta pushak, Gabriela Rivadeneira, kunan República Popular China, Xi Jinping Pushakwan tantarirka. Mamallakta Tantanakuypak Expresidentes Hatun ukupi rimanakuyta charirka.
Mamallakta Tantanakuyta pushak, China Mamallakta pushak ñukanchik llaktapi kashkakata hawapi churarka, kay wiñaykawsay irpami tiyarin, ishkantin Mamallaktapi kimirinakuy sinchiyachun sinchiyachun yanapan, kay Ecuador llakta achkata ñawpashkata rikuchin.
Shinallatak, República Popular China Mamallakta kullki wiñarichun, kapukyay sapi mushukyachun yanapayta rikuchirka, imashinami Coca Codo Sinclair, ista llaktamanta shupaklla kullkiwan, Mamallaktawan llankashkata riksichirka.
Shinallatak ista llaktakunawan kamachiywan paktashkata riksichirka, ishkantin Mamallaktakuna antanka purinata kutintak yuyarirkakuna; shuktak yuyarika kullkiwan, sumakruraywan yanaparita yuyarirka; kay yuyarika ishkaykutin churashka kullkita kuna ashalla kan, kullkita charishpa mana kukta chapan.
Chay República Popular China pushak, Xi Jinping, paypak Mamallakta Ecuador llaktaman yanapanata achkata munan, runakuna kawsaypi wiñarichun sinchita llankakushkamantami shina kushiyarin, kari warmi paktapakta kawsayta charichun yanapan.
Kay Ecuador llaktapi mana istachu kani, kay Mamallaktawanmi rikurini nirka, kay llakta tawka waranka watakunamanta kawsaykunata charin, kaytami kuyani, shina: Amazonía, Costa, Sierra, Galápagos llaktakunapi imashina kawsakta rikuni. Kay Mamallakta achka tiyakkunata charin, achkata wiñarina ñanta charin, kayka sumak kawsay ñanman chayachinka nirka, shina rimashpa anchurirka.
JLVN/pv/jc-kichwa
