Kay Defensa y Desarrollo Artesanal kamachiyta rimanakuyka ñami ishakyniki atinakuyman yaykurinkapa alli ñanpimi shuyakun. Shinami Soledad Buendía rikuchirka, payka Comisión de Desarrollo Económico pushakmi kan, ñapash makirurakkunapak hayñita ukllanami mutsurin, mana chaymanta yuyarishkakunata pakinachu kan.
“Mashna mutsurikpipash rimanakunkapa tiyarinami mutsurin, makirurakkuna churashka yuyaykuna tukuy yaykurichunmi rimanakuna kanchik”, shinami rimarka.
Shamuk hunkapi kay Federación de Artesanos de Pichincha paykunapak yuyayta killkashka kayman kachanka, chaykunami mushuk kamachiypi yaykurinka, minkashka chaytami shuyanata charin, chay yuyayta mirachishpami kamachiyta rimankuy patakupi arininkapa apanka, kipaman Mamallakta hunta atinakuypi churanka.
Kamachiyta sinchiyachinkapa Mamallaktapi tiyak tukuy makirurakpak tantarikunawan, hatun tantarikunawan rimanakuna yuyaytami charinchik. Kay yuyakunawan mushuk kamachiy alli shukshinka.
Munashka iñukuna
Wakin iñukuna munashkami kan, imashina: yachay panka, yachaykuna, chanikuna. Makiruraypi chawpi yachaymanta, yachayta illushka pankakama kamachiypi killkarichun. Ashtawanpash Instituto Tecnológico Artesanal yachana wasita wiñachina hawa riman, shina III pata Shutichishka pankata charichun.
Kullkita mañachichun, makiruray wiñaykuna mirarichun, 20 waranka mama kullkikama tiyarichun. Shinallatak Kuyukunata, kallarik nipakunata ista llaktamanta apamunkapa churashka kullkita mana kuna kachun, mana chani maruta rurachun Soledad Buendía nirka.
MC/pv/jc-kichwa
