Kunan, 25 puncha, sasi killapi Día Internacional de la Eliminación de la Violencia contra la Mujer hawa yuyarin, Mamallakta Tantanakuypak wasipi kay warmi kakpi wañuchinata, aylluta llakichina hawa yuyarirka.
Pay Ledy Zúñiga, Justicia Hatun kamachik, kay Plan Nacional para la Erradicación de la Violencia de Género llankay hawa rikuchirka, Mamallakta, Mamallakta Tantanakuy llankashkata rikuchin, mashnata paktashkata willan, kutin Gustavo Jalkh, Consejo de la Judicatura kamaywasita pushak, shinallatak Gabriela Rivadeneira Mamallakta Tantanakuyta pushakman, takay, kamachiy pakita harkanka mushuk kamachiyta chayachirka.
Mama, Gabriela Rivadeneira, Mamallakta Tantanakuyta pushak, Consejo para la Igualdad de Género llankashkata willarka, tukuylla llaktaypi warmita takayta tukuy llankaykuna, may kuskakunapi anchuchina nirka.
Mamallakta Tanatanakuyta pushak arnishka waka tunkushkata anchuchirka, chayka ishkay wata shinashkatami yuyachin, chay pachami Código Orgánico Integral Penal kamachiyta arinirkakuna, warmita takayta, warmi kakpi wañuchishkata kichkiyachin.
Kay Fiscalía General del Estado rimashka, 2014 watamanta, 2015 watakama, karwa killakama, 45 wañuchishka warmikuna rikurirka, kutin 2014 watamanta, 31 puncha, karwa killa, 2016 watakama, 152 tiyashka, warmi kakpi wañuchishka ukuta rikuk, warmi kakpi wañuchinata munay tiyan nishpa, mama Gabriela Rivadeneira kamachik yuyachirka. “
Kay Ecuador llaktapi, chusku warmimanta shuk warmi kashkamanta takashka kan; 53.9% patsakri, yuyaypi takan; 16.7%, kari kashpa charishkata apana; 38% patsakri kan, aychata takashka”, nishpa willarka.
“Kay Mamallakta Tantanakuymanta, maypipash kari warmi takanakuyta anchuchinkapa kamachiykunata churarkanchik”, nishpa riksichirka. Shinami COIP kamachiy, Comunicación kamachiy, Consejos Nacionales para la Igualdad kamachiy, Parto Humanizado kamachiy tiyarishkata willarka.
Kunan 25 puncha, sasi killa, kay Día Internacional de la NO Violencia contra las mujeres puncha kakpi, ista llaktakunaman willanchik, “Shuktakllapash mana chinkachishkata, kawsak shamuchun munanchik”, shinami “mana takaywan, Ecuador mishan”.
JLVN-JS/pv/jc-kichwa
