“Takay, nanay, hamipash, pampapi yawar hicharipash mana llakichu karka. Ukunpi chukri chakiri, huchata apari, pinkanayachi mana hucha karka...Ñuka warmi kashkamantami llaki karka, chaymi hucha karka”.
Kay Colombia llaktamanta Jhoana Patiño arawishkapi shina riman. Shina, Consejo Nacional para la Igualdad de Género pushak, Consuelo Bowen, Mamallakta Tantanakuypak kamachikkunata, llaktayukkunata alli shamuyta kurka, chaymi Ecuador llaktapi warmi kakpi wañuchishkata, paypak ayllupak llakitapash rikuchirka.
Kay unanchataka Mamallakta Tantanakuy, Consejo para la Igualdad de Género kamaywasimi rurarka, 25 puncha, sasi killapi Día Internacional de la Eliminación de la Violencia contra la Mujer kakpimi shinarka, chaymi Plan para la Erradicación de la Violencia de Género hacia la Niñez, Adolescencia y Mujeres llankay ukupi pusharirka.
Mama Gabriela Rivadeneira, Mamallakta Tantanakuyta pushak kaypi; ONU Mujeres en Ecuador, Moni Pizani Hatun Kamachik; Justicia Hatun kamachik, Ledy Zúñiga; Consejo de la Judicatura kamachik, Gustavo Jalkh; kamachiy killkakkuna; warmi kakpi wañuchishka ayllukuna karka; tantarikuna pushak, llaktayukkuna chayarka.
Allpa pachapi 10 manta 7 warmimi takashka kan. Kay Ecuador llaktapi 10 manta, 6 warmi takashka rikurin. Kay willaykunata charishpa, llaki mirarishka, ashayashkata mana allita riksinchikchu, mana imashinalla kashkata yachakchayanchikchu.
Shinapash, allpapachapi punchanta hatun llakikuna tiyashkatami riksinchik, shinami Moni Pizani kamachik rimarka, payka Ecuador llaktapak ONU Mujeres pushakmi kan.
Kay pachallatak, warmi kashkamanta waranka, waranka warmimi waktashka kakun, patsak warmikunami, wañuchishka kan. Watapika, warmi kashkamanta 66 warankami wañuchishka uyarin, punchanta 180 warmimi wañun, sayllapi 8 wañun. Ñukanchik kaypi kakpi 8 warmimi allpapachapak may llaktapipash wañuchishka kan.
Shinami CEPAL willarka, apyayala, caribe llaktapi 12 warmimi punchapi wañun, 25 warmimanta, 14 warmimi, kay suyupi warmi kashkamanta wañuchishka kan, 16 Mamallaktakunami uchilla kamachiyta wiñachishka, shinapash kay llakimi wañuchishpa katin, Pizani rimarka.
LILA/pv/jc-kichwa
