Manarak Agrobiodiversidad, Semillas y Fomento Agroecológico kamachiyta arinishpa rimanakuy Esmeraldas markapi pusharikun, shinami Comisión de Soberanía Alimentaria minkashka: runakuna, tantarikuna, llaktakuna ima alli yuyaykunata churashka tukuykunaman riksichin.
“ Kay kamachiyka runakuna charimushka ñawpa muyukunatami chanin”, shinami Mauricio Proaño kamachiy killkak rikischin, payka minkashkapak kipapushakmi kan.
Muyu kamachiyka tukuykunatami kayan, tarpukkuna alli muyuta rantishpa tarpunkapa, muruta pukuchinkapami yallita mañankuna.
Proaño kamchiy killkak, Mamallaktapi alli muyukunata charinkapa yallita yanaoan, germoplasma kullkata, kipaman achka muyuta unipak charinkapa, chaywan Mamallaktapi alli muyuta charichun achkata yanapan. “Runakuman mikuna tiyachunmi yanapana kanchik. Muyuka Mamallaktapak allimi kan, mana Mamallaktapaklla kachun”, nirka.
Kay Agrobiodiversidad, Semillas y Fomento Agroecológico kamachiyka, chay Agua, Tierras kamachiykunawan kimirishpa llankayta paktachin. “Kamachiykuna paktarinakushpa chakrakunata allita pukuchinkapami yanapan, chayka mintalankapa, runakuna mikuchun yanapan, runakuna mikunata charichun, muyukuna ama chinkarichun ashtawankarin ñawpachin”, shinami Mauricio Proaño kamachiy killkak rimarka.
Allpachapi mikuna hawami kunanka hatun Mamallaktakunapi rimanakuy kan. Imashinami kay llankayta minkashka rikuchishkapi, punasuyumanta 40% patsakri muyukunami awki mikuna tukun, shinami muyukunata wakaychina tukun, kamachiyka kipaman ama mikuna hatun llakita charinkapa muyukunata wakaychichun yanapan.
MC/pv/jc-kichwa
