Muyu kamachiyta mushuk yachina, chaypak Pichincha markamanta kanchish kitikunamanta chayamurka, yunka tantarikuna, muyuta wiñachikkuna, tarpukkuna, llaktayukkuna, yachaykuna, mintallaykuna tiyachun nirka.
Shinallatak hatun yachanawasikunawan taripaykunata rurachun, waylla tarpuyta rurachun, shuksamilla muyuta tarpuyta anchuchinkapa, ñawpa muyuta charinkapa shuk yuyayri tiyachun mañarka.
Kay José Mejía Lequerica Hatun Ukupi, 350 runakuna chaypi kaywan, Agustín Cacuango, COINOA tantarimanta, Cayambe llaktamanta shamukwan, Agrobiodiversidad, Semillas y Fomento Agroecológico kamachiy pakllapi kawsak runakunawan killkashka kachun rimarka. Hawa chiri llaktakuna parkuna yaku mana tiyan nirka, chaymi tarpuykuna alli wiñachun, muyukuna pukuchun llakichin nirka.
Mashi Vicente Párraga, yunka llaktamanta shamuk, pakllapi tiyak tantarikunapak shutipi rimarka, awki mikuna hawa rikischirka. Katuna llikata wiñachichun mañan, BanEcuador kullkiyukwasi kay llankaykunata yanapankapa mana llaktayta charin nirka.
Allpa alli muyuta pukuchichun mana unkushka muyu kana, Rómulo Quimies rimarka, payka Confederación Nacional del Seguro Campesino de Ecuador tantarimanta shamurka, waylla tarpuyta rimashpami shina hamutachirka, istamanta shamuk llankakwasikuna, mushuk mana riksishka tarpuykunata apamun nirka, allpapacha kunukyaypash runaman llakita apamun nirka.
Paymanta, Amalia Collahuazo, noroccidente de Quito tantarimanta shamun, Ullachuy Bajo ayllullaktamanta kan, Muyu kamachiyta charinkapa yanapan, ukllan, kikin ñawpa myukunata charina hawa rimarka. Kutin Elías Imbago, payka Asociación Cangagua tantarimanta shamurka, alli pukuykunata charinkapa ayllullaktaman yanapachun mañarkanchik.
Mashi José Cuzco, Tabacundo llaktamanta runa, tarpukkunaman, muyuta wiñachikkunawan kullkiwan yanapay tiyanka riman, kay Ministerio de Agricultura kamachik, uchilla tarpukkunaman ziru karata kuchun, shinallatak kiwan, wiwa wanuta rurankapa wiruta apamushpa yanapachun rimarka.
JLVN/pv/jc-kichwa
