Mamallaktapak 24 markakunapi Agrobiodiversidad, Semillas y Fomento Agroecológico mushuk kamachiyta ishkaykutin tukuylla rimanakuyta wikcharishka kipa, Soberanía Alimentaria minkashka sapsi hayñita charik runakuna, tantarikuna, llaktayukkuna kushka yuyaykunata tantachin, chaywan alli kamachiy killkarinka.
Kamachiy killkakuna, markakunapi rimarishkata tantachishpa, kallarik pankakunata killkakatinkapa tantarinka.
chay alli yuyaykunawan killkashpa, mama Gabriela Rivadeneira, Mamallakta Tantanakuyta pushakman chayachinka, paymi Mesa de Diálogo Nacional hatun rimanakuyman, willana hillaykunawan kayanka.
Mamallakta Rimanakuyman sapsi hayñita charik sapan hatun tantarikuna kachashka pushakkuna chayamunka, paykuman markakunapi tantarikunawan, llaktakunawan rimanakuymanta ima yuyaykuna llukshishkata rikuchinka. Chaypimi mashna shuklla yuyayta charishkata, takarishka yuyaytapash akllanka, kipaka shuk pankata killkanka.
Kamachiyta manarak arinishpa rimanakuypi kankapa sapsi hayñita charik 550 tantarikuna shutikunata killkachirka.
Minkashka ishkay tantarikuna 24 markata purirka, paykuna kimsa hatun yuyaykunata tantarka, shina: rimanakuy, yachaykuna, ñawpa yachaykuna karka; wayllatarpuy, muyukunapash karka; hayñikunata kamana, runakuna tantaripi kashpa rimayta charina; achka kacharishka runakunapash paykunapak yuyayta churarka.
Sapsi hayñita charikkuna paykuna yachashkata, ayllu ukupi imashina kawsashkata, tantaripi rimanakuyta charishkata riksichirka, allikuna, llakikuna tiyakpi imashina arinishkatapash rikuchirka.
JLVN/pv/jc-kichwa
