Kay Derechos de los Trabajadores y la Seguridad Social minkashka Samarina kamachiy allichirichun yuyayta churan. Shinami wanra punchamanta awakiman yallin, ñawpaka chaskaman yallik karka, kunanka mana. Kay kamachiypak willayka ñami chilla punchapak kanka, shinami Marllely Vásconez kamachiy killkak rimarka.
Kamachiyka samarina punchatallami rikuchinka, sapan samarina puncha imashina sakirishkanatami rikuchinka, sapan markakunapi samarinatapash rikuchinka.
Kamachiy killkak Marllely Vásconez inti puncha mañashka samarina kakpika, awaki punchaman yallin nirka, shinallatak wacha puncha samarina kakpika chaska punchaman yallin, mana Mamallaktapak mañashka samarina 11 punchapaklla kankachu, markapi, kitipi, shulkapi samarina puncha tiyakpipash shinallatakmi kanka
Shinallatak wanra puncha kakpi awakiman yallin, chilla, kulka punchakuman urmakpika chaska punchaman yallinka nishpa achikyachirka.
Kay Código de Trabajo kamachiypak 50 niki, (wacha, inti punchakuna hawa riman) Irma Gómez uchilla kamachiyta wiñachina nirka, mana churashka kachun, samarishka punchamanta kipaman llankana kachun nirka.
Pay Alex Guamán, chay LOSEP kamachiypi tiyak churashka nikita anchuchina nirka, markapi llankak kamachikkuna, chay Ministerio del Interior kamachikkuna samarina punchakunata shuktak samaman yallichina nirka.
Kay yuyaykunawan Nilda Mejía kamachiy killkak, kay churashka nikikuna uchilla kamachiy shina, hatun kamachiy ukupi sakirichun nirka.
RSA/pv/jc-kichwa
