Mama, Gabriela Rivadeneira, Mamallakta Tantanakuyta pushak, manarak kay mita llankayta tukuchishpa, kay Feriados kamachiyta arininkapa riksichin, kay kamachiy shamuk wilkawiñay raymimanta llankay kallarinka riman, samari punchakuna mirarishpa riksina kuskakuman kullki yaykunka nishpa riman.
“Kunan kamachiy Mamallakta chunka shuk samarina punchata charinata riman, kay kamachiywan Mamallaktapi, ista llaktakunapipash riksina kuskakunapi kullki wiñarichun yanapanka ”.
Kay Apya-yalapi, Caribe llaktapi rikukpika, Ecuador llaktami mañashka ashalla samarina punchakunata charin. Kay kamachiyka Manabí markapi, Esmeraldas markapi 16 puncha, ayriwa killapi allpa chukchuywan llaki tiyashka kuskakunatami achkata yanapan.
“Mamallakta Tantanakuypi atinakuyta charinkapa rimanakushka willayta charinka, kapak killa 24 puncha, 31 puncha ña paktachinka (…) kay punchakuna samarinami riksina kuskakunaman kullkita chayachinka”, shinami “Contigo de Ley” rimaypi, wanra puncha riksichirka.
Chani wichiyay kamachiy
Kay Plusvalía kamachiyta rimashpa, Mamallakta Tantanakuyta pushak, mushuk COOTAD (Código Orgánico de Organización Territorial, Autonomía y Descentralización) kamachiy, Mamallakta allpata katukpi, allpata rantikpi ama yalli kullki kachun kamanka, kullkita wiñachik kamachiyta rikuchun shuk kamachiy tiyanka.
Kay 9 hatun kitikunapi, $ 600 hunu shukllapak makipi chayarinkapa rishka, kay huchata tukuy kamaywasipi llankak kamachikkuna yanapashka.
Chapay
Mamallakta Chapay llankaypi, chay Petroecuador kullki shuwaypi Mamallakta Tantanakuyta pushak, sarun chilla puncha Comisión de Fiscalización el Contralor del Estado, Carlos Pólit kamachik, Superintendente de Bancos, Cristian Cruz kamachik, Rentas Internas, Leonardo Orlando kamachik, Fiscal de la Nación, Galo Chiriboga kamachik, huchata charikkunata wanachina hawa riksichinkapa shamurka.
Kipaman Mamallakta Tantanakuypak llankayka Semillas, Artesano, Turismo kamachiykunata arininami kan, kay kamachiykunawan kullkita mirachina nirka, shinallatak Código de Salud kamachiyta arininka, kay kamachiywan Ecuador llaktapi kawsak runakunapak kawsayta kamanka.
JS/KZ/dp/jc-kichwa
