Kay Cumbre de las Presidentas de Parlamentos, chay Abu Dabi llaktapi, kay kapak killa 12, 13 punchakuna, mama Gabriela Rivadeneira, Ecuador llaktapak Mamallakta Tantanakuypak shutipi, kay chunka watapi mushukyashkata rimarka.
Mama Rivadeneira “Kamachiywan llankanata llaktayukkuna yanapaywanmi pushana kan, chaypi sapan kuskapak mutsuyta riksina kan. Shinami tukuykuna makita kushpa Revolución Ciudadana shayarishka, chayka Ecuador llaktapi kawsak runakuna, Mamakamachiyta killkak 68% patsakri kay llankayta pushakun”.
Kay Cumbre de Mujeres tantari warmikuna paktapakta llankachun, paykuna shuklla yuyay tukushpa arinichun, llaktayta pushachun rimanakuymi kan. Ecuador llaktapika, 8% warmikuna ñawpaka llaktaypi karka, kunanka 42% warmikunami llaktay llankaypi kan.
Kay mitapi Mamallakta Tantanakuy 50 kamachiyta arinishka, achka kamachiykuna runakunata yanapankapa kan, ñawpapachamanta shamuk runakunapash llaktayta arinishkakuna.
Kay Ecuador llakta, Emiratos Árabes Unidos llaktawan shuk yuiyarita aspirka, chayka katikuymanta, kamunata killkanamanta, tukuykunapak alli kay, ista yuyarikunata, Mamallakta Tantanakuypura llankayta yuyarirkakuna, chayka riksinkapa rina, shuktak yanarinakunatapash yuyaririka.
JC- kichwa
