Chay Comisión de Desarrollo Económico, Comercio Exterior, Juan Carlos Cassinelli kamachik, imashina kay Acuerdo Comercial Multipartes entre Ecuador y la Unión Europea yuyariwan llankanata willarka, shinallatak Ecuador llaktawan, Parlamento Europeo llaktawan chimpapurashpa rikurkakuna.
Kay yuyariman yaykurikta sukta rimaykunami kan, shina: katuyman yaykurina, mintalayta ukllana, mitachikuna, tukuylla llankay yuyari, charishka kikin yuyay, mintalay- unipak wiñariyna kan. “Mana kipayanchik, rikushka pachapi chayanchik. Nimata mana chinkanchik, achkatami mishanchik”, shinami Juan Carlos Cassinelli rimarka.
Kay Cassinelli hatun Kamachik raymi killa, 2007 watamanta kallarishka mintalaytami rimarka, 2014 watapi shayarirka nishpa willarka. Shinapash kunan llankushka iñuman chayarka, arininka.
“Ecuador llakta shuktak yuyarikunatapash rimarka, chay Colombia llaktapi, Perú llaktapi yuyarishkata rimarka, mushuk llankaykunata, tukuylla yuyarita, achka yaykurita charinkapa, yapa chimpapurak kankapa”, nishpa rimarka.
Mamallaktapak kapukkunata ukllana
Antawata kay llaktapi katunkapa apamushpaka 7 watakama mana churashka kullkita kuna, hampita katunkapa apamushpa shinallatak kanka, hampika 10 watakama mana kuna kanka, shinami 5% patsakrimanta kallarishpa, 0% patsakriman chayanka.
Kay tantaripi katuk kamachikkuna kanka, yuyariwan mana munaykuna rimarka, pankapi shutikunata aspishkamanta kushikuyta kurka. Kay rimaykuna Ministro de Comercio Exterior tikrachirka. Kay 14:30 sayllata riksichinka, willayta arininka.
Shamuk awki punchakama Ecuador llaktamanta Mamallakta Tantanakuy ña arinishka kachun shuyanchik. Shamuk killakunapi kayman kimirishka llankak wasikunaman riksichishka kanka .
MC/pv/jc-kichwa
