Kay Marianne Van Steen chayamukta chawchankapa, Unión Europea en Ecuador ista kamachik, chay Europa, Asia,Oceanía, Esteban Melo ista kamachiy killkak, Ecuador llaktapak runakuna, Bloque Europeo kimirik Mamallaktaman yaykunkapa ista pankata ama mañachun Visa Schengen rimarka.
“Ñami Perú, Colombia llaktakuna kay yanapayta charin nirka, Ecuador llaktapash kay Yuyarita charin”, Melo nirka.
Kay Unión Europea, Marianne Van Steen ista kamachik, kay Acuerdo Comercial Multipartes manarak chayanalla rimana ñan tiyanchu, ista pankata rikuchun nirka, chayka achkatami yanapanka.
“Ecuador llaktapak yuyaymanta manarak mana paktachishka, UE llaktawan mana yuyari tiyashka”, mashna Mamallaktakuna ista llaktaman yaykuna pankata mana mutsukta rikuna, Schengen rimarka, Ecuador llakta kay mutsuy ukupi kan nirka.
Runakuna yapa purin
Kay Esteban Melo kamachik, kunanpika chay ista pankata charichun nirka, Ecuador llaktaman achka runakuna chayamun nirka, chay Unión Europea llaktaman ashalla runakuna rin.
Kay Ecuador llakta achka purikku runakunata chaskin, shinallatak Unión Europea llaktakunaman rinkapa mana ista pankata charin nirka, Ecuador llaktapak runakunata ista pankata mañayka “mana allichu”.
Kay Ecuador llaktapak Istawasipak kamachik, kay llaktamanata llaktayukkuna mana ista pankata rikuchina kan nishpa riman, kay mañayka katinkami. Mamallakta Tantanakuymi kayta arininka, mashi kamachikkunawan paktachinka. “Ñukanchikpak shuk yuyayka, allpapachapi kishpiyrishka purinami kan, chaymanta Unión Europea llaktaunata mañanchik", nirka.
MC/jc-kichwa
