Samarina punchakunata allichik kamachiy, Consejo de Evaluación, Acreditación y Aseguramiento de la Calidad de la Educación Superior (Ceaaces) lwichkashka yachana wasikuna hawa, Código del Ambiente kamachiyta Mamallakta Tantanakuy atinakurka.
Kamachiy killkakkuna Servicio Público, Código del Trabajo (feriados) kamachiyta, kay kamachiywan shamuk kapak killa, 25 puncha, kulla killa 1 puncha samarinka, kay punchakuna inti puncha kashkamanta awakiman yallin.
Mushuk kamachiypika, Mamallaktapi, markakuna, kitikuna, shulkakunapi llankana punchaman urmakpika chaskaman, awakiman yallinka. Kayta punchakunataka tukuylla, shukpaklla llankakkuman urmachinka.
Mamallakta Tantanakuy achkata rimanakushpami Código del Ambiente kamachiypak pusak kamukuna atinakuyta tukuchirka. Shamuk wanra puncha apuchinka.
Kamachiy killkakkuna kamachiyta charina hawa shuklla yuyayta charirkakuna, patrimonio natural yuyayta, sumak pachamama, chirikunuk rantinchirita, Mamakucha Yunka Kuska, pachamamata charichun kullkiwan yanapana, pachamama wakllirishkata allichina, wanachik kamachikkuna chayllatak yuyayta charirka.
Minkashkapi kamachiyta llankan
Kay Gobiernos Autónomos minkashka, Evitar la Especulación sobre el Valor de las Tierras y Fijación de Tributos Hatun Kamachiyta kallari atinakuyta charichun arinirka. Shamuk wanra puncha atinakunka. Charishkakunata katunkapa ama yalli kullki wichiyachun rikunka, chay kullki kitita, shulkata yanapanka.
Shinallatak Relaciones Internacionales minkashka, Asuntos Exteriores de Japón, Shun Suke Takei kamachikwan rimanakurka, Mamallaktapura llankayta rikurka, chay Grupos Parlamentarios de Amistad entre Ecuador y Japón tantari llankashkata rikurka.
Ista llaktakunapi kay
Mama, Gabriela Rivadeneira, Mamallakta Tantanakuyta pushak chay Cumbre de Mujeres Presidentas de Parlamentos tantaripi karka, Abu Dabi kuskapi karka. Kay tantaripi allpapachamanta 50 Mamallaktakuna karka, kay Ecuador llaktamanta, kay chunka wata Emiratos Árabes Unidos, Amal Al Qubaisi, kay Interparlamentario rimakpi shutita churarka mashiyarishpa riksichin, imashina kamachiyta killkashka shuktakkunaman willana.
Llaktapi
Mama, Gabriela Rivadeneira, chay Guayas markamanta warmikunapak pushakwan tantarirka, chay tantarika Plataforma de Mujeres Progresistas shutimi karka. Kay Justicia Laboral, de Tierras, de Consejos Nacionales para la Igualdad, Código Orgánico Integral Penal, tipificación del femicidio kamachikkunata arinirka, kari warmi runakuna pakta pakta kawsachun yanapan nirka.
Kay Día Internacional del Migrante, Mamallakta Tantanakuy Comisión de Relaciones Internacionales minkashkawan llankarka, tawka kamaywasikuna Azogues-Cañar llaktakunapi, Migrantes Ecuatorianos en su Ruta por Centroamérica llaktapi, México, Estados Unidos llaktakunapi llakirishka purikta rimarka. Llaktakuna tapushpa achiklla sakirirka.
Llankashkakunata riksichin
Willana hillaykunata katishpa Mamallakta Tantanakuy llankayta paktashkata riksichirka, llankana siriktapash willarka. Chikan chikan kamaywasikunapi paktashkata riksichirka, llaktay pata tiyarikta pushakkunawan rikuchirka; ukumanta mushukyachishpa llaktakunapak mutsuyta allichirka, kay 50 kamachiywan yanaparka, rikurka; llaktayukkuna chaypi kachun mirachirka; rimanakuyta tankarka; allpapachapak hatun rimanakuypi karka; chaypikachun, yaykurichun mañarka.
LILA/jc-kichwa
