Kay 75 apuchiwan, 8 mana nishkawan, 33 shuyaywan Código Orgánico del Ambiente kamachiy arinishka karka.
Pachamamata wakaychishkamanta kullkiwan yanapana, chayka 2011 wata llaktakunata tapukpi arinishkatami, kutintak arininkakuna, wiwata wañuchishpa kushiyana GAD rikunata charin.
Kay kamachiyka pachamamata in dubio pachamama kallarita charirayashpa katinka, shinami wiwakunata, sachakunata yanapan. Ashtawan Sistema Descentralizado de Gestión Ambiental llankayta yanapan, chaywan pachamamata pakikpi, mapayachikpi wanachina kanka.
Imashina kay Autoridad Nacional Ambiental llankanatapash rikuchin,chaywan pachamamata wakaychishka kuskakunata rikunka, pachamamata yanapak, runakunata yanapak kuskata ashtawan rikunka.
Shuktak mushukyaykuna
Ishkayniki kamupi, 2011 watapi llaktakuna arinishkata kutintak arinin, wawata wañuchishpa kushiyarinata harkan, kitikunami kay kamachiywan imashina paktanata rikunka. Wiwata hapinata rikunka, kari atallpata pukllashpa makanakuchita, yunka llaktapi apyupi tiyarinata, wakrakunawan pukllashpa wañuchinata tikunami rikunata charin.
Shuktak manyamanta, kitikunapi kupata pichashpa, hapishpa llankakta rikisin, shinallatak paykunapak sinchi llankayta rikisin. Hatun llankaykunata, ruraykunatapash riksin. Kay kamachiy llakita rurakkunata imashina wanachina hawa riksichin, tukuy yachana wasikunapi pachamama hawa yachachichun churashka tiyarin.
Kay 296 nikipak ishkay milkapi, maypimi pachamama llakirishkata rikuna tuputa rikuchin, chaypillatak pachamamata llakichishkata allita riksichishpa kamachiywan wanachinata rikuchin.
MC/pv/jc-kichwa
