Kay 8 kamachiy killkakkuna Eficiencia en la Contratación Pública kamachiyta allita rikushpa, mama Rosana Alvarado Mamallakta Tantanakuy Kipapushak, ishkay kutin atinakuyta chaypilla sakirka.
Kay mushuk kamachiy Hatun Kamachik, kikinllatak karupi kamachik kitikunapi, shulkakunapi kullkita churashpa ñankunata, wasikunata, chakakunata, shuktak llankakuykunata rurakpi, chay manyapi tiyak allpakuna yalli kullkipi ama katuchun, allpata shuwashpa katuchun, Mamallakta allpata yanka ama hapichun harkanka.
Mamallaktapak 428 tantaripi tawka yuyaykunata churarka. Kamachiy killkak María Augusta Calle, alli kamachiy kakta riksichirka, llankayñanta achkata yanapachun yuyarirka, shuk llaktak llankay yuyari maykama chayanata rikuchirka.
Kay mushuk kamachiypi mayhan allpatak katunapak alli kan, mayhan allptak wasita rurankapa alli kakta rimarka. Kay 7 niki imashina kakta rikuchirka, kay economía popular y solidaria, chay Bolsa de Valores imashina kakta rikunka, kullkita chinkanata ashtawankarin rikunka.
Kutin, Mariangel Muñoz wakin kitipushakkuna alltapa yanka hapin, kamachiyta pakin nirka. Kamachiy shuk harka tiyachun churana nirka, chaypak kitikuna pantayta charin, kay pantaykuna ashtawan wakchakunata llakita ruran nirka.
Shinalltak, kamachy killkak, Miguel Moreta yapa churashka kullkiwan mana yuyayta charirka, kamaywasikunami kay kullkita hapinka nirka. Shinallatak, César Umaginga kamachiy killkak, kay churashka kullki llika mutsurin nirka. Mamallaktapi tiyak, 24 kitikunallami mashna churashka kullki tiyashka rikuchin nirka.
JLVN/pv/jc-kichwa
