Kamachiy killkakkuna ukllarishpa, wiñaykawsay kakpi kushiyaywan kay kamachiymanta kushiyarirkakuna.
Hawa hatun ukupi tikramushka purik runakuna kushikuywan Mamallakta Tantanakuyta yupaycharka. Hanaparashpa ¡huyayay tikramuk runakuna! nirka. Achka watata killkamushka kipa kay kamachiy arinirirka, shinami purik runakunata allita yanapanka nirka.
Kay Carlos Tutibén, Red de Migrantesn tantarimanta shamuk, Dora Aguirre kamachy killkak España llaktapi llankayta kallarishka hawa yuyarirka, chay llaktapi Ecuador llaktamanta rik kawsak runakunawan llankarka.
Kay Movilidad Humana kamachiyka kamaymi kan nirka, mushukyay, runakunapak hayñita sumaychashpa kamaymi kan nirka. “ Purik runakunaman Alli kawsayta mañankapa huk kamachiymi illarka, chaymantami llakikuna rikurirka”, nishpa rimayta tukuchirka.
Hayñikunata kamay
Pay Jani Vivero, Ecuador llaktamanta 17 puncha, raymi killa, 2002 watapi llukshirka, alli kawsayta charinkapa paypak ushushi shuk watata paktachirka, paytami sakinata charirka. Iskun watapi tikramurka, kushikuyta charinkapa munarka, chaymanta kay Movilidad Humana kamachiyka hatun ushaymi kan nirka, Ecuador llaktapak purik runakunallapak mana kanchu, ista llaktapak runakunatapash achkatami yanapanka.
Pay Jani runapakka, Ecuador llaktamanta mayhan ista llaktapi kawsakkunamanpash achka yanapay, kamaymi kan nirka, kay llaktaman rina, kikin llaktata sakinaka mana nisha ninchu, nirka.
Kamachiy killkak Dora Aguirre, riksishka kamarita chaskishpaka, kay Comisión de Relaciones Internacionales hatun llankay kashkatami rikuchirka, sukta kamachiy killkakuna sinchita llankashkata willarka “Shuklla tukushpa llankashkata riksichirka”.
MC/pv/jc-kichwa
