Unidas para los Refugiados (ACNUR) tantariwan pakakukushkata ukllankapa ACNUR tantariwan yuyarirka.
Killkakshka pankapi ACNUR tantari tiksi yanapayta ruranata rikuchirka. Kay Movilidad Humana kamachiyta paktachin, ista llaktakuna pakakushka runata ukllanatami rikuchirka.
Shinami Naciones Unidas yanapaywan, ista llaktakuna pakakushka runata ukllak uku llaktayukkunata ukllana ñanta mashkarka; hatun kamachikkunata, shukllapak tantarikunata yanapan, ista llaktamanta mana kullkita hapishpa pakakukushka runata pushamun.
Kay yuyarita 19 puncha, kulla killa, 2009 wata, Quito llaktapi shutikunata aspirka. Kay yuyarika ACNUR shuk willayta punchanta chaskina ukuta charichun churarka, kay llaktamanta ista llaktakunapi pakakukushka runakunata ukllachun kamachiywan yanapanka, shinami pakakukushka runata, shuktak purik runatapash yanapanka.
Kay willaypika, Ecuador llaktapika 60 waranka, 253 patsak runakuna pakakukushka kawsan, chaymanta 57 waranka, 325 patsak runakuna Colombia llaktamanta kan, shinaka 95,2% patsakri runakunami chay llaktamanta kan.
Kay 2015 wata tukurinkakama 233 waranka, 049 patsak runakuna kay llakatapi kawsankapa mañarka, shinami sapan killapi 500, 600 runakuna Ecuador- Colombia saywata yallimun. Kunankama 15 waranka, 800 patsak mañaykunata ACNUR, Ecuador kimirishka tantari chayachirka.
Kay Comisión de Relaciones Internacionales willayta chayachishkata rikukpi, kay Yuyarika Ecuador llaktawan, ACNUR tantariwan kimirishpa llankachun achkata yanapanka, chayka Sistema de las Naciones Unidas ukupimi kanka; shinami Movilidad Humana Hatun Kamachiywan llankachun yanapanka, kay kamachiyta sarun hunkami Mamallakta Tantankuy arinirka. Kay kamachiypimi ista llaktamanta pakakukushka runakunata ukllana niki killkarirka.
LILA/jc-kichwa
