Mamallakta Tantanakuymanta kachashka III Foro Beijing 20 Años Después, Igualdad de Género y Medios de Comunicación yachayman rirka, chayka Santiago de Chile llaktapimi sakirin.
Kay tantaripimi Ecuador llakta, chile llakta pushachun makipi churan, ishkaykutin hatun tantarita pushashpami kun, kay tantarika allpapachapi shukllami rikurishka, Plataforma Beijing 20 wata kipa katinkapami kan.
Chay Chile llaktamanta, Michelle Bachelet yachak yachachinka, chayka ParlAmericas tantari, chay llaktamanta Cámara de Diputados kayashkami kan.
Chaypimi kari warmi ishkantin paktapakta llankanata, willana hillaykuna hawa rimankakuna, Sección J de la Plataforma de Acción de Beijing yuyarishpa rimanka.
Apya-yala, Caribe llaktakunamanta kari warmi kamachiy killkakkuna chaypi kanka, shinallaktak kay llaktamanta hatun yachayta charik, ista llaktamanta, paykuna alli llankaywan, yachayta rantichishpa ñawpanka, chay kari warmikuna mana ista llaktapak kawsayta katishpa willaykunapi rikurichun yuyarinka.
Chile llakatamnta kamachiy killkak Claudia Nogueira, payka Grupo de Mujeres Parlamentarias ParlAmericas tantarita kipapushakmi kan, paymi kay tantariman chayakkunata chaskin, Apya-yalapi kay tantari kari warmi pakta kachun achkata ushakun riman, shinallatak willana hillaykunapi ishkantin yaykurichun willan. Shinapash kunankama warmikunata willana hillayman mana ñapash yaykuchin”.
Kay Ecuador llaktamanta, Gina Godoy kamachiy killkak, payka Grupo de Mujeres Parlamentarias de ParlAmericas pushak, “ kari warmi kamachiy killkak, willaykuna karimanlla, warmimanlla chayachun rikunata charinchik. Kay ParlAmericas tantarimanta, Plataforma de Beijing llankayta tankankapa kamachiy killkakkuna llankan”.
Kay Foro Parlamentario Beijing 20 Años Después, Ecuador llaktapak Mamallakta Tantankuy ukupi wiñarirka, kay tantarika Beijing, China en 1995 watapi kallarishka Cuarta Conferencia Mundial sobre la Mujer llankayta katinkapami kan.
JC- kichwa
