Kay Código de la Economía Social de los Conocimientos, la Creatividad y la Innovación (INGENIOS) kamachiyta, apya-yalapi rimankuyta charin, shinami chay Universidad de la Sorbona yachanawasipi, París llaktapi rimanakukun, chaypimi nikikunata riksikun, pay paktashkata, kamachiy alli kashkami rimakun.
Shinami kamachiy killkak Raúl Abad Vélez, Comisión de Educación pushak rimarka, payka Cañar markamanta kan, 2013 watamanta, 2017 watakama pay llankashkata rikuchishpami shina rimarka.
Kay 10 mushuk kamachiyta arinishka punchami shina rimarka, chay kamachiykunapak ukupimi: INGENIOS kamachiy, Cultura kamachiy, mushukyachishka Educación Intercultural (LOEI) kamachiy, pukllay kamachiy, makiruray kamachiy karka.
Wiñaykawsaypi Mushuk llankayta wiñachinkapa kan
Kay Código de Conocimientos kamachiy, Cultura kamachiy markakunapi tapushpa runakunawan, tantarikunawan, kamachikkunawan rimanakushkami kan.
Shinallatak Sapsiwan, ayllullaktawan, runallaktawan, yanallaktawan, yunkallaktawan, llaktayukwan rimanakushkami kan. Llaktakunapi sinchita atinakushka kamachiykunami kan, llaktakunami paykunapak yuyayta churarka, shinami Abad kamachiy killkak rimarka.
"Kay kamachiyta, kay hatun suyupi, paya suyupi rimanakushka kan, ashtawankarin Universidad de la Sorbona yanacha wasipimi atinakukun; ñawpak kamachiymikan, mushukyachik, kamayta charirayak kamachiymi kan", nirka.
Mamakamachiy kachashka
Shukmanta rimashpa, Cultura kamachiyta Mamakamachiy shuyakushka kamachiymi karka, mana Mamakamachiywan pakta kashkata llakita rikurka. Kunan minkashkakuna chay llakita allichirka, llaktakunapi rimanakushpa chay illakta allichirka, runallaktakunapak yuyayt hapirka, chaywan allichirka, ñawpamanta charishka yachayta yaykuchirka.
MG/pv/jc-kichwa
