Kamachiy killkak María Luisa Moreno, payka Manabí markamanta shamun, 10 killata kay Solidaridad y de Corresponsabilidad Ciudadana para la Reconstrucción y Reactivación de las Zonas Afectadas por el Terremoto de 16 de abril de 2016 kamachiyka achkata yanapan nirka.
Chay Manabí, Esmeraldas markakunapi, shuktak llakirishka kuskakunapipash kutintak kullki mirarichun yanaparka. Yallik 30 puncha, kapak killa, 1.077 hunu kullkita kay llaktakunapi llankashpa tukuchishka, chaypak kay kamachiy yanaparka.
Chay willashka kullkimanta, kamachiy killkak kay IVA kullkita tikrachishka nirka, chay kullkitaka 26 hunu, 636 waranka kullkita tikrachishka; kay Corporación Nacional de Finanzas Populares (CONAFIPS) sinchyachirka, shinallatak 24 hunu, 364 dólar kullkita kurka.
Kay kullkitaka uchilla, paktalla tarpukkunaman chayachirka, paykunaka economía popular y solidaria ukupi llankakkuna kashkamantami yanapayta hapirka, paykunaka mushuk mintalay llankaykunata churarka, imashinami: tantata rurana, ayllullaktapak kikin mikunata rurarka, kay llankakunami ayllupi kullkita charirayan.
Shinallatak, kamachiy nishkata paktachinkapa, kikinllatak karupi kamachikkunaman 43 hunu, 289 waranka dólar kullkita kurka. Kay kullkitaka chay Manabí, Esmeraldas markakunapi katuk wasikuman kurka, paykunami ñapash rantishka kipikunata chayachirka, kay nipakunawan chay llaktaka allichirka, 60 hunu, 603 waranka kullkita kurka. Kay Corporación Financiera Nacional kulli wasi, 86 hunu, 639 waranka kullkita llankak wasikunaman kurka.
Shinallatak BanEcuador kullkiwasi 91 hunu, 648 waranka kullkita kurka. Hatun kamachikmanta, chikan chikan kamaywasipak makiwan chayachirka, paykunawan 742 hunu, 696 waranka kullkita chayachirka.
Ñankunamanta rimashpaka, chay Manabí markakapak hananikman hatun ñankunata rurarka, chay mañankuna 17 muku ñanta rurarka: Jipijapa-La Cadena, Montecristi, Manta-San Mateo, shuktak llaktakunamanpash chakakunata rurarka. Wakin tuñirishka kuskakunapi manarak tukuchishkachu kan. Chay hanak llaktapi antawa purina ñanta kutintak paskarka, shinapash chakakunami tukuchina sirikun.
JLVN/eg/jc-kichwa
