Kamachiy killkakkuna smarinata tukuchishpa Desarrollo Económico minkashka paykunapak kamachiy llankayman yaykurirka. Kay tantarita pushak Soledad Buendía, Turismo kamachiy hawami llankayta charinchik nirka.
Kay kamachiyta ishkaykutin atinakunkapa ñami allichishka kan nirka. “Kay kamachiy arinirishpaka Mamallaktapi kullki wiñarichun achkata yanapanka”, nirka.
Kay Empresas Públicas kamachiypak 47 nikita ashtawan rimanka. Kay hunkapi kamachikkunata, runakunata chaskinka, kay Tránsito, Transporte Terrestre y Seguridad Vial kamachiyta rimanka.
Yallik killapi kay kamachiy hawa achka yuyaykunata, rikuykunata chaskirka, kamachiyta killkashkaman yaykuchinka “Llaki harkayta sinchiyachinka, antawa sinkuy llakita harkankapa mana kamachiylla mutsurinchu, runakunapak rikuypash mutsurinmi”, nirka.
Maki ruray kamachiy
Kay Desarrollo Artesanal kamachiymi tukuy runa shuyashka kan. Shinami Soledad Buendía kamachiy killkak rimarka, kay kamachiytaka shamuk mushuk kamachiy killkakkunami tukuchinka nirka, ashtawan allitami chayrak killkana sirin nirka, shina mayhan alli yuyaypash kanchaman mana sakirinkachu.
Chaypak tantarikunawan, hatun tantayarikunawan, marka tantarikunwan atinakunami kanka. Chaypipash Consejo de Participación Ciudadana chayachishka pankakunata rimashunmi nirka, pallashka yuyayta rikunapash kanka nirka.
Kay kamachiyta killkankapa shuk yuyaylla tiyan, shinapash wakin nikikuna allichinami sirin, “Yachachina, kullkita mañachina, chaywan makiruray llankayta wiñachinka, sinchiyachina nirka. Shinallatak llakana hillaykunata, nipakunata rantinka, 4 hunu kulllki runata yanapanka nirka, shina rimashpa Soledad Buendía tukuchirka.
MC/pv/jc-kichwa
