Kay Régimen Económico minkashkaman yaykurishka, tukuy kamachiy killkakkunami kay Para la Restructuración de las Deudas de la Banca Pública, Banca Cerrada y Gestión del Sistema Financiero Nacional y Régimen de Valores Hatun kamachiyta arinirka, kay kamachiytaka Mamallakta Pushakmi utkachun nishpa kayman chayachirka.
Kay kamachiyka, kamachiy killkakkuna paykunapak llankayta paktachishkata, manuta charikkuna rimashkata, kamaywasikuna rikushkata, sumak rurakkuna, tarpuk tantarikuna rimashkata, manuta charikkuna rimashkatapash yaykuchin.
Kay llakita rikuk minkashka rimashkata yakuchin, paykunaka makirurakkuna, rikisina llankayta pushakkuna, surkushka kullkita tikrachina pachata suniyachina hawa yaykuchin.
Shinallatak tamya tiyashpa, rupay tiyashpa chakrakunata wakllichishka llakitapash yaykuchirka, kay Banco Nacional de Fomento (BNF) kullki wasiman manushkatapash yaykuchirka. Kay mushuk kamachiyka 31 waranka runatami yanapan, chayka 97% patsakri allichichunmi yanapan.
Kay kamachiyka, minkashkakuna mushuk yuyayta churashkawan, kay Mercado de Valores, Código Orgánico Monetario y Financiero kamachiyta mushukyachina tukukta rikuchin, shuktak kamachiytapash mushukyachina rikurin.
Mañashka kullkita tikrachinata charik wañukpi, chay manu ayllukuna rikunata charikpi, chaytapash anchuchichun yanapan, kipaman paykunapash kullkita mañanta ushanka.
Kay Virgilio Hernández, Galo Borja, Carlos Bergmann, Rosana Alvarado, Rocío Albán, Vanessa Fajardo, Irma Gómez, José Guzmán, Grace Moreira kamachiy killkakkuna llaki allichirichun apuchirka.
Kay kamachiyta Mamallakta Tantanakuyta pushakman chayachinka, shamuk hunkami Mamallakta Tantanakuy atinakuna llankayman yaykurinka.
EG/pv/jc-kichwa
