Shamuk 7 puncha, pawkar killa kay Justicia y Estructura del Estado minkashka, Código Orgánico Integral Penal (COIP) kamachiypak 18 mushukyachina yuyaymanta, kimsa allichina nikita charirka.
Kamachiy killkak Mariangel Muñoz minkashkata pushak, kay kamachiyta killkankapa hatun yuyaykunaka Mamallakta Pushakpak yuyay kan nirka, chay muspachik hampita harkankapami kan, kay mapa hampikunata tukuyllapak ñawpakpi mana chupachun harnanami kan nirka.
Kay yuyayta hapishpa, minkashka Alexandra Arce Plúas kamachikta kayanka, payka Durán llakta, Guayas llaktamantami kan, pay imashina muspachik miyuy llaki kashkata, imashina kay llakita harkashkata riksichinka.
Chaytaka, kitimi samarina pampakunata chapashpa pichashka, runakunatapash chakchushpa churashka. Shinami: kari warmi wawakunapak, imillakunapak, pakta runakunapak kawsayta allichishka, shinallatak chay mapa miyuyta chupakuk runakunata kayashpa sakichishka.
Tukuylla alli kawsaypak llaki
Chaymanta, kamachiy killkak Gina Godoy, muspachik miyuyka allikawsaypak llaki kashkatami Mamallaktaka rikikuchin. Kay llakitaka ayllukuna, yachachik ayllullakta, tukuylla kamaywasikuna, shuktak runakunapash rikunatami charin nishpa yuyachin.
Muspashka runakuna mana unkushka kani nikpipash, Mamallaktaka yanpapana yuyaytami charin, Mamallakta Pushak kay kamachiyta allichina nishpaka kari warmi wawata, imillakunata yanpana yuyaytami charin, paykunami hawalla kay llaki kawsayman yaykurin nirka, chayrak wamrakuna kashpami chay muspachik unkuyman yaykurin nirka.
MG/pv/jc-kichwa
