Kay Ecuador llaktawan, Argentina llaktawan llaktayukkunapak hayñita ukllankapa sinchita llankan, chayta paktachinkapa shuk yuyarita killkarka, kay ishkantin Mamallaktapi purik runakunatami ashtawankarin yanapanka.
Kay Relaciones Internacionales minkashka, Dora Aguirre killkashka pankata rikuchirka, kayta hapishpami Mamallakta Tantanakuy kutintak 106 apuchiwan arinirka.
Kay hillaytaka payayashka runata, tisiku runata yanapanka, shinalaltak Ecuador llaktamanta runa Argentina llaktapi wañukpi, Argentina llaktamanta runa Ecuador llaktapi wañukpi alli kamayta charinka, wachay tiyakpipash 18 watakama makita kunanakunka, shina ñayñikunata paktachinka, wachay tiyakpipash shinallatak ruranka.
Kay Ecuador llaktamanta runakuna kay llaktamanta shamushpa, kamaypak kullkita churashkapi, chay llaktapi payayashkamanta, tisiku tukushkamnta kaymayman churashka kullkiwan yapanka, wañushka kipaka aylluman sakirinka. Kay kamachiy kamay kullkikunatami tantachin, achikyachishpaka Mamallaktami, chay llaktapi llankashkamanta aylluman chayachinka.
Kay yanapayka Ecuador llaktamanta Argentina llakatpi kawsak 3.500 runakunaman chayanka, shinallatak Argentina llaktamanta kay llaktapi kawsak 3 waranka runakunaman yanpanka. Chay Argentina llaktamanka amawta yachaykunata charinkapami kay llaktamanta rinkuna. " Paykunami llankanka, yachankapash, kay yuyarita paykunatami achkata yanapanka", shinami Soledad Vela kamachiy killkak rimarka.
Kamachiy killkak Aguirre, mushuk Movilidad Humana kamachiyka ista llaktakunawan yuyarikunata killkanatami achkata yanapan, runakunata kamashpa yanapachun nirka, chay Argentina llaktapi yachakuk runakunamanmi yallita yanapan. kamachikkunata, yachakukkunata, runakunatapash yapa yanapan Henry Llanes kamachiy killkak rimarka.
Kay Relaciones Internacionales minkashkata willayta killkashkata hapishpami ishkay Mamallakta 9 puncha, kapak killa, 2015 watapi yuyarita killkarka, shinallatak 31 puncha, karwa kika, 2016 watapi Corte Constitucional ista hillayta Mamakamachiypi killkarishka tiyan nishpa riksichirka, kaytaka Mamallakta Tantanakuymi arinina kan nirka.
LILA/pv/jc-kichwa
