Warmikunataka allpaman, yakuman, allpata, wasita, allikawsayta, yachayta, kamayta, llankayta charina, paktakayta, kawsaytarpuyta, kikinkayta charina hayñita Mamallakta Tantanakuy chayachishka.
Kari warmi paktapakta kachun kamachiy killkakkunapak llankayka kashka. Arinishka 60 kamachiymanta 20 kamachiymi warmipak hayñimanta riman.
Allpapimi warmikuna, ayllupash tarpun, shinami minkunkapa murukunata pallan, chaymantami allpata rakichun musturin, allpa shutita charichunpash mañan, Mamallaktami kamanata charin. Yaku kamachiymi warmikuna yakuta charina yañita chayachin, kari warmi pakta llankachun achkata yanapan.
Kay Código Civil kamachiy sawarishka warmi ama manyayachishka kachun yanapan, ñawpaka karillami charishkakunata makipi charirka, kay mushuk Ordenamiento Territorial kamachiyka alli wasita, alli kawsayta charichun, kamashka kachun yanapan.
Alli kawsayta charichun ñakarinaka mana chaypilla sakirinchu, Mamallakta Tantanakuy kamachiykunata arinishpa shuktak hayñikunatami paktachin. Ashtawankarin wakcha runakunatami yanapan: payayashpa, kusa illak sakirishpa, sapalla sakirishpa kay kamachiywan yanaparinka.
LILA/pv/jc-kichwa
