Mamallakta Tantanakuyta pushak, Gabriela Rivadeneira, kamachiy killkakkunata 439 yupay tantariman kayarka, chilla puncha 09:30 sayllata kallarinka. Shinallatak Contralor General del Estado kamachikta tiyachinka, kallari atinakuypika Código de Comercio kamachiyta atinakunka.
Tiyari
Kay Consejo de Participación Ciudadana y Control Social mishanakuypi arinishkawan mana niwan akllarishpa Contraloría General del Estado kamaywasipak hatun kamachik tiyarin, payka Carlos Ramón Polit Faggioni shutimi kan, 95/100 iñutami charirka, kipaman Mamallakta Tantanakuypak ñawpakpi churarka, chaymi llankankapa tiyarin.
Kay Polit Faggioni kimsakutinmi Contralor hatun kamachik tukukrin, payka pichka watata llankakrin, shinami Mamakamachiy nikipi riman.
Kay Código de Comercio kamachiy
Kay Régimen Económico minkashka, chay Código de Comercio kamachiyta killkashpa katimurka, kayka Galo Borja, minkashkata kipapushak llankashkami kan. Katunapak shutikuna hawa, shuktak kamaywasikunapak hawa, kay kamachiyka achkata yanapan.
Kay kamachiy alli katichun, hatun yachana wasikunapak, yachak runakunapak, shukpaklla wasikunapak yanapayta chaskirka. Kay yachaykunawan, rikuykunawan kamachiy alli killkarirka, kallari atinakuyman yaykurinka.
Pay Galo Borja kamachiy killkak, Ecuador llaktapak wiñaykawsaypi, Código de Comercio kamachiyka chuskukutinmi killkarishka, kay 1960 watapi, kunan Mamallakta charin kamachiy killkarika, kunanka mushuk yuyaykunawan allichirirka, chikan chikan kamachiykunawan pakta pakta llankanka.
JLVN/pv/jc-kichwa
