Kay María Elsa Viteri, chay Colectivo Deudores de Buena Fe, Mónica Bolaños warmi yanapashka kan, chaymanta Restructuración de las Deudas de la Banca Pública, Banca Cerrada y Gestión del Sistema Financiero Nacional y Régimen de Valores kamachiyta manarak ishkaykutin atinakukpi paykunapak yuyayta Mamallakta Tantankuypi churarka.
Kay 20 watata llakita, urmachishka, hayñita pakishka, sumaykayta pakishka kawsan, shinallatak manumanta llukshinkapa ñanta mashkashka.
Shinallatak “Manu kullkiwanlla llakita charishkata rikuchun mana sakina kan; chay 20 watata llakita charishkata riksichun mañarka”, shinami Viteri warmi rimarka. “hayñikunata pakishpa llakichishkami kanchik nirka, chay 18 wata washa llakichishkata ñukanchikmi aparinchik”, shinami Bolaños rimarka.
Yanapak Viteri llaki imashina kakta riksinkapa taripayta rurana sirin nirka, kullki wasiman kimirishka manukkuna, maypi, imashina kakta riksina kan nirka. Paykuna manuta pichachun nirka, shuk yuyarita killkashkamanta wawa kullki katichun nirka.
Kay mushuk kamachiypi “ wichkanrishka kullkiwasiman tikrachinata munak manukkunaman llakikunata anchuchinkapa mushuk ñankunata mashkakunchik”, shinami Mónica Bolaños rimarka.
Chay Filanbanco kullkiwasiman hillayta rantishkamanta manuta charishka, chayka 1997 watapi ña wañushka hatun mama, mama manushkata rikrachichun nishkatami riksichin. Kay kullkiwasika tukuyta tikrachichun mañarka, yuyari pankapika shuktak yanapayta charichun rikuchin nirka, “leasing”. Registro Mercantil irpata charin nirka.
LILA/pv/jc-kichwa
