Shamuk awaki puncha, 20 puncha, pawkar killa, 15:00 sayllata, kay Comisión de Justicia y Estructura del Estado minkashka, Aplicación de la Consulta Popular kamachiyta riksinka, chay 19 puncha, panchi killa, 2017 watapi llaktakuna, paraísos fiscales hawa arinirka.
Shinami Mauro Andino kamachiy killkak rimarka, payka minkashka pushakmi kan, Contralor General del Estado kamachikta kayana nishpami shina rimarka.
Shinallatak chay Consejo de Participación Ciudadana y del Consejo Nacional Electoral kamachikkunata, paykunapak yuyayta churachunmi kayashun nirka.
Kay kullki llakika mana Ecuador llaktatalla waktanchu, shuktak tawka allpapachapi tiyak llaktakunatapash waktan nirka, ñukanchik llaktapi, shuktak Mamallaktapipash shuklla yalli kullkiyuk tukun nirka, hunu kullkita hapin nirka, chay kullkitaka paraísos fiscales llaktaman ashalla churashka kullkita, manu kullkita kunkapa apan.
Chay llaktakunaka Panamá, Suiza, shuktak llaktakunapash kan. Chay kullkikunaka shuwashka, runata yanka pushashkamanta kullkimi kan. Kay kamachiytaka utkashpami arinikrinchik. "Ayriwa killkapak ña arinishka kanka", nirka.
Mana tukuylla awllikta katirayankapakchun kan, chay paraísos fiscales llaktakunapi kullkita charikkuna ñukanchik Ecuador llaktaman apamunkapa shuk watatami charin, kaypi alli llankaykunapi churanka nirka. Kay kamachiyta mana paktachikpika wanachishkami kanka.
MG/pv/jc-kichwa
