Kay Función Legislativa kamachipak 27 niki 1, 2 yupaykunapi rimashkata hapishpa, shinallatak Mamallakta Tantanakuypak Reglamento de las Comisiones Especializadas Permanentes y Ocasionales uchilla kamachiypak 8 nikita hapishpa Mauro Andino, kamachiy killkak shuk tantariman kayarka.
Kay tantarina kay chilla, 29 puncha, pawkar killa, 2017 watapi paktachinka, 08:30 sayllata kallarinka, kay Aplicación de la Consulta Popular kamachkiyta atinakushpa katin, 19 puncha, panchi killa, 2017 watapi llaktakuna arinishkata hapishapa kamachiyta ruranka, kay mañayta Rafael Correa Delgado Mamallakta pushak kachashkami kan.
Minkashkakuna, kay llankayta kallarinkapa Leonardo Orlando kamachik, payka General del Servicio de Rentas Internas (SRI) kamachikmi kan, Christian Cruz, Superintendente de Bancos kamachikta chaskinka.
Kaynami SRI hatun kamachik chayarka, chaypimi paraísos fiscales kuskakunapak shutita chayachinkapak karka, kay wasikunaka tawka Mamallaktapi sarin nirka, shinami offshore kamaywasi maypilla llakta, imashina llankakta rikuchirka.
Willana hillaypi rimashpa, Orlando SRI kamaywasimanta kamachik, 2008 watamanta tiyashakata riksichirka, Equidad kamachiypi hapirishpa, kay kamachiyka Montecristi llaktapi killkarishkami kan, mayhan Mamallaktapilla paraísos fiscales wasikuna tiyakta rikshichun yanaparka, maypilla llankakta rikuchun yanaparka.
Shinallatak kay llakikunata riksinkapa shuk Régimen Fiscal Preferente kamachiy tiyan nirka, churashka kullkita riksinkapa paraíso fiscal kullkita rinksichun yanapan, nirka.
Mushukyachina
Kipaman, minkashka kamachiy killkakkuna códigos orgánicos de la Función Judicial y General de Procesos kamachiyta mushukyachinkapa llankanka, kaytaka Noralma Zambrano, Miguel Ángel Moreta kamachiy killkakuna killkashkami kan.
MG/pv/jc-kichwa
